مایاوتی نے سماج وادی پارٹی کے انتخابی منشور پر سادھا نشانہ

Source: S.O. News Service | By Safwan Motiya | Published on 23rd January 2017, 11:38 AM | ملکی خبریں |

لکھنؤ،22؍جنوری (ایس اونیوز/آئی این ایس انڈیا)بی ایس پی سپریمو مایاوتی نے سماج وادی پارٹی کے انتخابی منشور کو تشہیر کی ناٹک بازی قرار دیتے ہوئے آج کہا کہ سماج وادی پارٹی حکومت کے 5 سال میں کام کے بجائے جرائم بولتے نظر آئے ۔مایاوتی نے سماج وادی پارٹی کے قومی صدراورریاست کے وزیر اعلی اکھلیش یادو کی طرف سے اسمبلی انتخابات کے لیے منشور جاری کئے جانے کے بعد ایک بیان میں کہاکہ منشور محض رسم ادا کرنے والا تشہیری ناٹک بازی ہے۔انہوں نے کہاکہ اپنی غلط نسل پرستانہ پالیسیوں اور پروگراموں سے ریاست کوگزشتہ پانچ سالوں تک مسلسل انارکی ، جرائم ، فرقہ وارانہ فسادات اور بدعنوانی کا جنگل راج دے کر ایس پی نے اپنے سابقہ منشور کا جس طرح سے مذاق بنایا ہے، اس سے اسے دوبارہ منشور جاری کرکے نئے وعدے کرنے کا اخلاقی حق ہی نہیں ہے۔پھربھی عوام کو دھوکہ دینے کے لیے ایسی ہمت کی گئی جو انتہائی بدقسمتی کی بات ہے۔مایاوتی نے کہا کہ ایس پی حکومت کے پانچ سال کی میعاد میں کام کم اور جرائم کا زیادہ بول بالارہا ۔واضح رہے کہ وزیراعلیٰ اکھلیش یادوکی ایک تشہیرمیں ’کام بولتاہے‘کے عنوان سے ڈکیومینٹری بنائی گئی ہے، جس کو وقت وقت پر ٹی وی چینلوں اور سوشل میڈیاپرنشرکیاگیاہے۔انہوں نے ایس پی حکومت کے دور میں لاء اینڈآرڈ ر کی صورت حال کے انتہائی خراب ہونے کا ذکر کرتے ہوئے کہا کہ اکھلیش نے منشور جاری کرتے وقت بی ایس پی حکومت کے وقت بنائے گئے ہاتھیوں کا بار بار ذکر کر کے ہماری پارٹی کے انتخابی نشان کی مفت میں تشہیر کی۔بی ایس پی سپریمو مایاوتی نے کہا کہ افراتفری اور جنگل راج سے پریشان اتر پردیش کی عوام اب سماج وادی پارٹی کے بہکاوے میں آنے والی نہیں ہے۔اسمبلی انتخابات میں عوام داغدار ایس پی حکومت کو اس کے غلط کاموں کی سزا ضرور دے گی۔قابل ذکر ہے کہ اکھلیش نے آئندہ اسمبلی انتخابات کے لیے منشور جاری کرتے وقت مایاوتی پر طنز کرتے ہوئے کہا تھاکہ آج کل پتھر والی حکومت کے لوگ ٹی وی پر بہت دکھائی دیتے ہیں، نوئیڈا اور لکھنؤ میں لگے پتھر یاد دلاتے ہیں کہ اگر ان کی(بی ایس پی) حکومت بنی اور موقع ملا تو اس سے بڑے ہاتھی بنائے جائیں گے ۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...