نئی دہلی، 17 مارچ (ایس او نیوز؍آئی این ایس انڈیا) اقوام متحدہ کی سلامتی کونسل کے مستقل رکن چین نے کہا کہ اس معاملے کا جلد حل نکالا جائے گا۔مسعود اظہر پر لائی گئی پیشکش مکمل طور پر مسترد نہیں کی گئی ہے، ہم اس پر بات کر رہے ہیں۔ہندوستان میں چینی سفیر لووجھاواوی نے کہا کہ یواین ایس سی 1267 فہرست میں مسعود اظہر کو رکھنے کے معاملے کا حل جلد کیا جائے گا۔یہ معاملہ تکنیکی ہے اور ہم اس پر بات کر رہے ہیں، مجھے یقین ہے کہ یہ معاملہ جلد حل کیا جائے گا۔انہوں نے کہا کہ مسعود اظہر کے بارے میں ہم جانتے ہیں،ہم ہندوستان کے خدشات سے بھی واقف ہیں۔
بتا دیں کہ مسعود اظہر کو عالمی دہشت گرد قرار دینے کے لئے فرانس نے سلامتی کونسل میں تجویز لائی تھی ۔اس تجویز کے حق میں امریکہ اور برطانیہ تھے، لیکن عین وقت پر چین نے ویٹو لگا دیا تھا۔اس سے پہلے تین بار اور چین اس تجویز پر ویٹو لگا چکا ہے۔چین کی اس حرکت کے بعد امریکہ سمیت کئی ملک ناراض ہو گئے تھے۔امریکہ نے کہا تھا کہ اگر چین اس معاملے میں سنجیدہ نہیں ہے تو ہم دوسرا طریقہ تلاش کریں گے۔گزشتہ کچھ دنوں سے فرانس، امریکہ اور برطانیہ مسلسل چین سے اس معاملے میں بات کر رہے ہیں۔بتایا جا رہا ہے کہ چین کو مسعود اظہر کے خلاف پیش کی گئی تجویز سے اعتراض ہے۔ذرائع کا کہنا ہے کہ اس تجویز کی زبان میں تبدیلی چین پربضدہے،باقی ملک اس کے ساتھ معاہدے کی کوشش کر رہے ہیں۔چین کا کہنا ہے۔
کہ ہم اس تجویز کی مخالفت میں نہیں ہیں،ہم چاہتے ہیں کہ پیشکش پر کھلی بحث ہو۔چین نے یہ بھی کہا تھا کہ یہ کی کارروائی مہینوں میں نہیں بلکہ چند دنوں میں ہو گی۔اس سے پہلے فرانس نے جیش محمد سے وابستہ فرانسیسی جائیداد کو منجمد کرنے کا حکم دیا تھا۔