شاراپووا نہیں کھیل پائیں گی فرانسیسی اوپن، نہیں ملا وائلڈ کارڈ

Source: S.O. News Service | By Sheikh Zabih | Published on 18th May 2017, 12:21 PM | اسپورٹس |

میڈرڈ، 17مئی(ایس او نیوز/آئی این ایس انڈیا)روس کی اسٹار کھلاڑی ماریا شاراپووا اس سال گرینڈ سلیم ٹورنامنٹ فرانسیسی اوپن میں حصہ نہیں لے پائیں گی۔ٹورنامنٹ کے حکام نے انہیں وائلڈ کارڈ نہیں دینے کا فیصلہ کیا ہے۔ 15 ماہ کی پابندی کے بعد واپس لوٹی شاراپووا عالمی رینکنگ میں کافی نیچے ہیں اور اس وجہ سے انہیں فرانسیسی اوپن میں براہ راست طور پر داخلہ نہیں مل سکتا تھا۔ ایسے میں انہیں ٹورنامنٹ کے لئے وائلڈ کارڈ ملنے کی قیاس آرائی کی جا رہی تھی۔فرانسیسی ٹینس یونین کے سربراہ برنارڈ گی یڈسیلی فیرانڈینو نے کہا کہ زخمی کھلاڑی کے لئے ٹورنامنٹ میں وائلڈ کارڈ سے داخلہ ہو سکتا ہے لیکن ڈوپنگ پابندیسے واپس آ رہے کھلاڑی کا وائلڈ کارڈ سے داخلہ نہیں ہو سکتا۔ فرانسیسی اوپن کا آغاز 28 مئی سے ہو رہا ہے۔شاراپووا کے لئے اگرچہ، پابندی سے لوٹنے پر کچھ خاص نہیں رہا ہے۔ا سٹٹگارٹ اوپن میں ہارنے کے بعد روسی کھلاڑی کو اٹلی اوپن کے دوسرے راؤنڈ میں زخمی ہوکر باہر ہونا پڑا۔ اٹلی اوپن کے خواتین کے سنگلز زمرے کے دوسرے راؤنڈ میں مرجانا لس کبارونی کے خلاف کھیلے گئے میچ میں تیسرے سیٹ کے دوران بائیں ران میں چوٹ کی وجہ سے انہیں ٹورنامنٹ سے باہر ہونا پڑا۔

ایک نظر اس پر بھی

ہندوستان نے مسلسل نویں سیریز جیتی، عالمی ریکارڈ کی برابری کی

سری لنکا نے دھننجے ڈيسلوا (119 ریٹائرڈ ہرٹ) کی ذمہ دارانہ اننگز کی بدولت ہندوستان کے خلاف دوسرا اور آخری کرکٹ ٹسٹ بدھ کو یہاں ڈرا کرا لیا جبکہ دنیا کی نمبر ایک ٹیم ہندوستان نے مسلسل نویں ٹسٹ سیریز جیتنے کے ساتھ عالمی ریکارڈ کی برابری کر لی۔

ایڈیلیڈ میں آسٹریلیا 120رنز سے فاتح، ایشز سیریز میں دو صفر کی برتری

دوسری اننگز میں جیت کے لیے انگلینڈ کو 354رنز کا ہدف درکار تھا تاہم جو روٹ کی ٹیم صرف 233رنز بنا کر آؤٹ ہوگئی۔ آسٹریلیا کی جانب سے مچل اسٹارک نے پانچ، ہیزل وڈ اور لیون نے دو دو جبکہ پال کمنگز نے ایک وکٹ حاصل کی۔

ہندوستان نے دوسرے ٹیسٹ میں سری لنکا کو ایک اننگ اور 239 رنوں سے شکست دی

اسپنروں اور تیز گیندبازوں کے شاندار کھیل کی بدولت ہندستان نے سری لنکا کی ٹیم کو دوسرے کرکٹ ٹیسٹ میچ کے چوتھے دن ہی لنچ سے تھوڑی دیر بعد 166 رن کے معمولی اسکور پر آؤٹ کرکے میچ ایک باری اور 239 رنوں سے جیت لیا

ہندوستان اور سری لنکا کے درمیان پہلا ٹیسٹ میچ ڈرا

ہندوستان اور سری لنکا کے درمیان تین ٹیسٹ میچوں کی سیریز کا پہلا ٹیسٹ بغیر کسی نتیجے کے اختتام پذیر ہوگیا، آخری روز سری لنکا کی ٹیم 231 رنز کے تعاقب میں سات وکٹوں کے نقصان پر 75 رنز بنا سکی اور کم روشنی کی وجہ سے میچ مقررہ وقت سے پہلے ختم کر دیا گیا جس کی بدولت سری لنکا یقینی شکست سے ...