ورلڈ الیون پاکستان میں انٹرنیشنل کرکٹ کی بحالی پر خوش،شائقین کو دلچسپ مقابلے دیکھنے کو ملیں گے:اینڈی فلاور 

Source: S.O. News Service | By Shahid Mukhtesar | Published on 12th September 2017, 3:37 PM | اسپورٹس |

لاہور،11ستمبر(ایس او نیوز؍آئی این ایس انڈیا)ورلڈ الیون کے ہیڈ کوچ اینڈی فلاورنے کہا ہے کہ ورلڈ الیون پاکستان میں انٹرنیشنل کرکٹ کی بحالی کا جشن منارہی ہے،پاکستان کے عوام اب کرکٹ اپنے ملک میں دیکھیں گے،یہ خوشی کی بات ہے، پریس کانفرنس کرتے ہوئے ورلڈ الیون کے ہیڈ کوچ نے کہا کہ 2009کے بعد سے پاکستان کے شائقین انٹرنیشنل کرکٹ سے محروم رہے،پاکستان کرکٹ نے 8برس کے عرصے میں کئی اہم سنگ میل عبور کئے، اس بہادر قوم کو انٹرنیشنل کرکٹ سے دوری سہنا پڑی، اینڈی فلاورنے کہا کہ پاکستان نے 90کی دہائی میں زمبابوے کرکٹ کی بہت مدد کی تھی ،انہوں نے کہاکہ مجھے کوچ کی حیثیت سے ورلڈ الیون کی نمائندگی پر خوشی ہے، ورلڈ الیون میں دنیائے کرکٹ کے بہترین کرکٹرز موجود ہیں اورورلڈ الیون کا بولنگ اٹیک اچھا ہے، دو بہترین سپنرز کے ساتھ ساتھ اچھے میڈیم پیس بولر ہیں،اینڈی فلاور نے کہا امید ہے شائقین کرکٹ سیریز میں دلچسپ مقابلے دیکھیں گے۔

ایک نظر اس پر بھی