گلبرگہ میں آوارہ کتوں کے کاٹنے کے بڑھتے واقعات ، ایس ڈی پی آئی گلبرگہ کا مہانگر پالیکے کے روبر و احتجاجی دھرنا

Source: S.O. News Service | By Staff Correspondent | Published on 7th November 2018, 10:44 PM | ریاستی خبریں | ان خبروں کو پڑھنا مت بھولئے |

گلبرگہ :7نومبر ( پریس ریلیز ؍ایس او نیوز) سوشیل ڈیموکریٹک پارٹی آف انڈیا گلبرگہ ضلعی عہدیداران اور سینکڑوں پارٹی کارکنان نے شہر میں معصوم بچوں کو آوارہ کتوں کے  کاٹنے کے بڑھتے واقعات پر ایک بار پھر متاثرین کو ساتھ لیکر گلبرگہ مہانگر پالیکے کے روبرو احتجاجی دھرنا دیا اور آوارہ کتوں کو پکڑنے اور متاثرین کو فوری طور پر معاوضہ دینے کے مطالبے پر مشتمل ایک میمورینڈم کمشنر کو سونپا۔

اس موقع پر خطاب کرتے ہوئے ریاستی ورکنگ کمیٹی رکن عبدالرحیم پٹیل نے کہا کہ اس سے پہلے بھی کئی بار ایس ڈی پی آئی نے انتظامیہ کو احتجاجات اور میمورینڈم کے ذریعے اس معاملے کی طرف توجہ دلایا تھا لیکن انتظامیہ نے اس معاملے پر کارروائی کرنے کے وعد ے تو کئے لیکن اس پر کوئی عمل نہیں کیا ۔ اس مرتبہ ایس ڈی پی آئی گلبرگہ کے ضلعی لیڈران اور کارکنان نے یہ فیصلہ کیا تھا کہ اگر کارپوریشن کمشنر نے مناسب جواب دینے یا کاروائی کرنے کی تاریخ نہیں بتائی تو ہم یا تو گلبرگہ مہانگر پالیکے کو تالا لگائیں گے یا پھر ہم اپنے آ پ کو گرفتار کروائینگے۔ آج کے اس احتجاج اور متاثرین کے شکایات سننے کے بعد کارپوریشن کمشنر نے تیقن دلایا کہ 12نومبر 2018کو متاثرین کو معاوضہ دیا جائے گا اور گلبرگہ شہر کے آوارہ کتوں کو پکڑنے کا کام کل سے شروع کیا جائے گا۔

اس موقع پر خطاب کرتے ہوئے ایس ڈی پی آئی ضلعی صدر محمد محسن نے انتباہ کرتے ہوئے کہا کہ اگر گلبرگہ کارپوریشن کمشنر نے اپنے وعدے کے مطابق 12نومبرکو متاثرین کو معاوضہ نہیں جاری کیا اور کل سے آوارہ کتوں کو پکڑنے کا کام شروع نہیں کیا گیا تو ہم عوام کو ساتھ لیکر بڑے پیمانے پر احتجاجی مظاہرہ کرینگے۔ اس احتجاجی مظاہرے میں ضلعی عہدیداران اور سینکڑوں پارٹی کارکنان نے حصہ لیا۔

ایک نظر اس پر بھی

وزیر اعظم نے مانا کہ فضائیہ سے بغیر پوچھے بدلا رافیل کا کنٹریکٹ: راہل

کانگریس صدر راہل گاندھی نے سپریم کورٹ میں حکومت کے رافیل معاملے سے متعلق حلف نامے کو لے کر منگل کو وزیر اعظم نریندر مودی پر نشانہ لگایا اور دعوی کیا کہ مودی نے فضائیہ سے پوچھے بغیر کنٹراکٹ بدلنے کی بات قبول کر لی ہے۔گاندھی نے ٹویٹ کر کہاکہ سپریم کورٹ میں مودی جی نے مانی اپنی ...

کْولنگ ٹیکنالوجی میں اہم اختراعات کے تین ملین امریکی ڈالر انعام کا اعلان 

آج نئی دہلی میں دو روزہ گلوبل کْولنگ انوویشن سمٹ کے افتتاحی اجلاس کے دوران معیاری روم ایئر کنڈیشننگ(آر اے سی)کے مقابلے میں پانچ گنا کم ماحولیاتی اثرات کی حامل رہائشی کولنگ ٹیکنالوجی میں اختراع اور ترقی کو ترغیبات فراہم کرنے کے لیے ایک بین الاقوامی مسابقہ گلوبل کولنگ پرائز کا ...

شادی میں شرکت مہنگی پڑی : 9خاندانوں کا سماجی بائیکاٹ ؛آج بھی انسانیت سوز روایت زندہ ؟

گاؤں کے ذمہ دار کی اجازت کے بغیر شادی میں شریک ہونے پر 9خاندانوں کابائیکاٹ کرتے ہوئے انہیں گاؤں سے ہی باہر کئے جانے کا غیرانسانی واقعہ پیش آیاہے۔ سماجی مقاطعہ ، عدم تعاون جیسے ناسور آج بھی زندہ رہنے کی تازہ مثال ہے۔

مدھیہ پردیش : اقتدار میں آئے تو سرکاری دفاتر میں نہیں ہوگی آر ایس ایس کی نشست ، ملازمین پر بھی پابندی

مدھیہ پردیش میں انتخابی ماحول گرم ہے۔ سیاسی پارٹی ووٹروں کو لبھانے کے لئے زور شور سے تشہیر میں مصروف ہیں۔ تمام طرح کے وعدے کئے جا رہے ہیں۔ اس دوران کانگریس نے اپنا منشور جاری کر دیا ہے۔