دیوالی کے دوران گواواپس آ سکتے ہیں وزیر اعلیٰ منوہر پاریکر
پنجی،12؍ اکتوبر (ایس او نیوز؍آئی این ایس انڈیا)مرکزی وزیر شری پد نائیک نے جمعہ کو کہا کہ دہلی کے ایمس میں علاج کروا رہے گوا کے وزیر اعلی منوہر پاریکر کے دیوالی کے دوران ریاست واپس آنے کا امکان ہے۔نائیک گوا بی جے پی کور کمیٹی کے رکن ہیں جنہوں نے جمعہ کی صبح آل انڈیا انسٹیٹیوٹ (ایمس) میں پاریکر سے ملاقات کی تھی۔بی جے پی کی گوا یونٹ کے صدر اور راجیہ سبھا ممبر پارلیمنٹ ونے تندولکر بھی اجلاس میں موجود تھے۔اجلاس کے بعد نائیک نے دہلی سے فون پر بتایاکہ ملاقات کے دوران ہم نے گوا میں حکومت کا جائزہ لیا۔وزیر اعلی کے دیوالی کے دوران ایمس سے گوا واپس آنے کا امکان ہے۔نائیک نے کہا کہ ملاقات کے دوران کابینہ وزراء کو اضافی محکمہ سونپنے پر بھی گفتگو ہوئی۔انہوں نے کہاکہ قیادت تبدیل کو لے کر کوئی بحث نہیں ہوئی۔پاریکر کی صحت بہتر ہو رہی ہے اور وہ وزیر اعلی بنے رہیں گے۔تندولکر نے بتایا کہ پاریکر گوا میں پارٹی کے تنظیمی کام کو لے کر بحث کی۔گزشتہ ماہ سے 62سالہ پاریکر کا ایمس میں علاج کیا جا رہا ہے۔