اننت کمار ہیگڈے کے خلاف منکی پولس تھانہ سے جاری ہوا گرفتار ی وارنٹ : کاروار عدالت سے حاصل کی ضمانت

Source: S.O. News Service | Published on 4th February 2019, 9:50 PM | ساحلی خبریں |

سرسی:4؍فروری (ایس او نیوز) اترکنڑا ضلع کے ہوناور میں اشتعال انگیز بھاشن دینے  پر مرکزی وزیر اننت کمار ہیگڈے کے خلا ف منکی  پولس نے گرفتاری کا وارنٹ جاری کیا تھا، جس کے تعلق سے آج اننت کمار ہیگڈے نے ضمانت حاصل کرنے کاروار پہنچ گئے تھے۔

ذرائع سے ملی اطلاع کے مطابق گرفتاری کا وارنٹ جاری ہوتے ہی مرکزی وزیراننت کمار ہیگڈے  کاروار عدالت میں حاضر ہوتے ہوئے  ضمانت حاصل کی پھر ضمانتی  کاغذات لے کر سرسی کے ٹاون   مارکیٹ پولس تھانہ میں حاضر ہوتے ہوئے  وہاں ضمانتی کاغذات کو پیش کیا۔

ذرائع سے ملی اطلاع کے مطابق 2018ودھان سبھا انتخابات کے دوران  دئیے گئے اشتعال انگیز بھاشن کو لے کر اننت کمار ہیگڈے کے خلاف اس وقت کے بھٹکل اسسٹنٹ کمشنر نے الیکشن کمیشن میں  شکایت درج کرائی تھی ، جس کی بنیاد پر ان کے خلاف گرفتاری وارنٹ جاری ہوا تھا، مگر عین وقت پر عدالت میں پہنچ کر اُنہوں نے ضمانت حاصل کرلی۔

اننت کمار ہیگڈے اشتعال انگیز بیانات دینے اور بالخصوص مسلم کمیونٹی کے خلاف  زہر اُگلنے میں کافی بدنام ہیں، وہ بالخصوص انتخابات سر پر آتے ہی اس طرح کے بھاشن دے کر  دیگر کمیونٹی کے لوگوں کو مسلمانوں کے خلاف لاکھڑا کرتے ہیں،  اس بات کا پتہ نہیں چل پایا کہ 2018 میں انہوں نے  اپنے اشتعال انگیز بھاشن میں کیا کچھ کہا تھا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...