بھٹکل:10/اپریل (ایس او نیوز) بھرنی نامی درختوں کو کاٹ کر لے جارہی بولیرو میاکسی ٹرک کاپیچھا کرتے ہوئے منکی فاریسٹ افسران نے سواری کو ضبط کرلیا البتہ ملزم فرار ہونے کا واقعہ ہوناور تعلقہ منکی مورکٹے روڈ پر پیش آیا ہے۔

ابتدائی جانچ سے پتہ چلا ہے کہ بولیروسواری ہوناور تعلقہ منکی بولے بستی کے مکین اُلاس ناگپا نائک کی ملکیت ہے۔ سواری میں 0.724مربع میٹر بھرنی درخت کے تنے تھے جنہیں فاریسٹ افسران نے ضبط کرلیاہے۔ منکی زون کے فاریسٹ آفیسر ایم ایم مڈی ،نائب آر ایف اؤشیوانند انچلو، دیویندر گونڈ، سریندرناتھ نائک، شیوانند پجاری ، ستیش وئیدیا ، ایریا نائک اور ڈرائیور ناگیش نائک کارروائی میں شریک تھے۔ ملزموں کی تلاش کے لئے فاریسٹ افسران نے جال بچھا کر تلاش میں سرگرداں ہیں۔