منگلورو؍اڈپی میں 7.4 لاکھ روپے غیر محسوب نقد رقم ضبط
منگلورو 8؍اپریل (ایس او نیوز)منگلورو اور اڈپی میں انتخابی ضابطہ اخلاق کی خلاف ورزی کرتے ہوئے غیر محسوب نقدرقم کار میں لے جانے کے دوالگ الگ معاملات سامنے آئے ہیں۔
بتایاجاتا ہے کہ انتخابی افسران اور پولیس کی کارروائی میں جملہ 7.4 لاکھ روپے غیر محسوب رقم ضبط کی ہے۔ پولیس کے بیان کے مطابق منگلوروشہر کی طرف آتی ہوئی ایک کار سے 2.9لاکھ روپے نقد برآمدہوئے، جس میں راجیش شیکھر نامی شخص سفرکررہاتھا۔ برہماور میں چیک پوسٹ پر تلاشی کے دواران کار میں موجودرقم کے بارے میں وہ اطمینان بخش جواب نہیں دے سکاتو افسران نے وہ رقم ضبط کرتے ہوئے رقم کے تعلق سے ضروری دستاویزی ثبوت پیش کرنے کو کہا۔
نقد رقم کی دوسری ضبطی اڈپی کے ساستان میں پیش آئی۔جہاں دوا فرادکے پاس موجود 4.5لاکھ روپے نقدموجودتھی اور ان کے پاس اس رقم کے تعلق سے کوئی دستاویزی ثبو ت نہیں تھا۔ جن دو افراد کے پاس یہ رقم دستیاب ہوئی ہے ان میں سے ایک پولٹری فارم کا ایجنٹ اور دوسرا شخص فنانس کمپنی چلارہا ہے۔