موٹر بائک حادثے میں نوجوان ہلاک
منگلورو 5؍فروری (ایس او نیوز) اتاور کے علاقے میں کوراگجّا گوڈی کے پاس پیش آنے والے موٹر بائک حادثے میں ایک نوجوان کی موت واقع ہوگئی ہے۔ بتایا جاتا ہے کہ شہر کے بندر علاقے کا باشندہ محمد صاحب شفیع (31سال) جب اپنی موٹر بائک پر کہیں جارہا تھا تو پیچھے سے ایک کار نے اس کی بائک کو اوور ٹیک کیا اور اس دوران موٹر بائک کے ہینڈل بار سے کار ذرا ساٹکرا گئی۔اس وجہ سے محمد اپنی بائک پر قابو نہیں رکھ سکااوراسی وقت سامنے سے آنے والی ایک اور کار سے بائک ٹکرا بیٹھا۔
کار سے بائک کی ٹکر اتے ہی محمد اچھل کر سڑک پر گرگیا جس سے اس کے سر میں شدید چوٹ آئی۔ حالانکہ علاج کے لئے اسے ایک پرائیویٹ اسپتال میں داخل کیا گیا تھا، مگر زخموں کی تاب نہ لاکر اس نے دم توڑ دیا۔بائک سے ٹکرانے والی کار پر موجود لوگ جائے حادثہ پر رکے بغیر بھاگ نکلنے میں کامیاب ہوگئے۔ ٹریفک پولیس کیس درج کرلینے کے بعد مزید تحقیقات کررہی ہے۔