کیا بی جے پی میگاکنونشن‘میں شریک ہونگے یوگی آدتیہ ناتھ؟
اڈپی 13؍فروری (ایس او نیوز)ریاست میں ہندو نوجوانوں کے قتل کے معاملات کو اجاگر کرنے اوراس کی مذمت کے لئے بی جے پی کی طرف سے دو پیدل ریالیوں کا اہتمام کیا جارہا ہے جو3مارچ سے 6مارچ کے درمیان منعقد ہونگی۔
پارٹی ذرائع کے مطابق ایک ریالی شمالی کینرا کے کمٹہ شہر سے شروع ہوگی جبکہ دوسری ریالی کورگ ضلع کے خوشحال نگر سے شروع کی جائے گی اور دونوں کا اختتام اڈپی ضلع کے سورتکل میں ہوگا۔اس موقع پر ایک’ میگا کنونشن‘ کا پروگرام بنایاجارہاہے جس میں اترپردیش کے وزیر اعلیٰ یوگی آدتیہ ناتھ کو شریک کرنے کی کوشش ہورہی ہے۔ اس میگاکنونشن یا زبردست اجلاس عام کی شدت اور رنگ کیسا ہوگا اس کا اندازہ اس بات سے لگایا جاسکتا ہے کہ اس کنونشن کی تیاری اور نگرانی کی ذمہ داری اپنی نفرت اور اشتعال انگیز تقاریر کے لئے بدنام اراکین پارلیمان پرتاپ سنہا، شوبھاکرندلاجے، نلین کمار کٹیل او راننت کمار ہیگڈے کو سونپی گئی ہے۔پارٹی ذرائع کا کہنا ہے کہ کنونشن کی قطعی تاریخ جلد ہی طے کی جائے گی۔
