منگلورو23؍فروری (ایس او نیوز) ڈسٹرکٹ جیل میں زیر سماعت قیدیوں کی طرف سے دو سیکیوریٹی اسٹاف پر حملہ کیے جانے کا حیرت انگیز واقعہ پیش آیا ہے۔ موصولہ رپورٹ کے مطابق قتل کے الزام میں قید مشتاق اور اس کے دیگر ساتھیوں نے مل کر سیکیوریٹی اسٹاف پر حملہ کیا ہے۔

بتایا جاتا ہے کہ ملزمین کو جب عدالت میں پیشی کے بعد واپس جیل میں لایاگیا تو سی آئی ایس ایف کے جوان مین گیٹ سے اپنے فرائض کی ادائیگی کے طور پر انہیں ساتھ لے کر آگے بڑھے تو ملزمین بھڑک گئے ۔اور کیرتی کمار او ر چندراشیکھر نامی دونوں سیکیوریٹی اسٹاف پر حملہ کردیا۔جیل کے افسران نے فوری کارروائی کرتے ہوئے اس حملے میں شامل دس زیر سماعت قیدیوں کو بلاری جیل میں منتقل کردیا۔اس کے علاوہ برکے پولیس اسٹیشن میں بھی کیس درج کرلیا گیا ہے۔