امیش شیٹی مرڈر کیس میں چار ملزمین گرفتار

Source: S.O. News Service | By Safwan Motiya | Published on 12th January 2017, 5:20 PM | ساحلی خبریں | ان خبروں کو پڑھنا مت بھولئے |

منگلورو 11؍جنوری (ایس او نیوز) کچھ دنوں پہلے قتل کیے گئے امیش شیٹی(۲۹ سال) کا معاملہ منگلورو پولیس نے حل کرتے ہوئے اس قتل میں ملوث چار ملزمین کو گرفتار کرلیا ہے۔
پولیس کمشنر چندراشیکھر نے پریس کانفرنس کے دوران بتایا کہ پرساد اچاریہ(۲۷ سال)،راجیش شیٹی (۳۲ سال)،تلک پجاری (۲۶ سال)اور پرکاش (۲۸ سال ) کو امیش شیٹی قتل معاملے میں گرفتار کیا گیا ہے۔کہتے ہیں کہ امیش شیٹی جو کہ ٹرانسپورٹ بزنس کے علاوہ سوکھے ہوئے ناریل فروخت کیا کرتا تھا، اچانک لاپتہ ہوگیا تھااس سلسلے میں 28دسمبر کو پولیس میں شکایت درج کی گئی تھی۔ یکم جنوری کو اس کی لاش ایک چرچ کے قریب نالے میں پائی گئی تھی۔جس کے بارے میں موڈبدری پولیس اسٹیشن میں کیس درج کرلیا گیا تھا۔
پولیس کے بیان کے مطابق پرساد اچاریہ نے امیش سے 30لاکھ روپے قرض لیے تھے جسے لوٹانے میں وہ ناکام تھا۔ پھر لال پتھروں کی تجارت میں امیش کی دلچسپی دیکھ کر پرساد اسے پتھر نکالنے لائق پہاڑی دکھانے کے بہانے لے گیا اور پھر اپنے ساتھیوں کے ساتھ مل کر امیش کا قتل کرکے لاش کو ویرانے میں پھینک دیا ۔ اس طرح رقم لوٹانے کے بجائے امیش سے چھٹکارہ پانے کا راستہ نکالا گیا۔
پولیس ابھی پرساد کے پاس سے امیش سے حاصل کی گئی قرض کی رقم دستیاب کرنہیں پائی ہے۔

ایک نظر اس پر بھی

بھٹکل:آنند آشرم کانونٹ پی یوکالج میں والدین اور اساتذہ کی میٹنگ :کسی بھی تعلیمی ادارے کےلئے طلبا اور والدین ہی اصل جائیداد

کسی بھی تعلیمی ادارے کے لئے وہاں زیرتعلیم طلبا اور ان کے والدین وسرپرست ہی اصل جائیداد ہوتے ہیں، ان سے بہتر تعاون حاصل ہونے پر ایک تعلیمی ادارہ ترقی کی منزلیں طئے کرنا ممکن ہوتاہے ، ہرایک والدین کا فرض ہے کہ وہ اپنے بچوں کو ملک کے بہترین شہری بنائے۔ ان خیالات کا اظہار منگلورو ...

بھٹکل :نیو شمس اسکول میں طلبا کانویکیشن جلسہ کا اہتمام

یبلے گرام پنچایت حدود کے جامعہ روڈ پر واقع شمس اسکول میں منعقدہ نیو شمس اسکول آئی سی ایس سی طلبافسٹ کانویکیشن جلسے  میں امسال آئی سی ایس سی جماعت دہم کے سالانہ امتحانات میں کامیاب طلبا کی تہنیت کرتے ہوئے اسناد کی تقسیم کی گئی ۔

بھٹکل:جرنالسٹ اسوسی ایشن کے زیراہتمام منعقدہ مضمون نویسی مقابلہ کے نتائج کا اعلان : نیو انگلش کی طالبہ اول

تعلقہ جرنالسٹ اسوسی ایشن کے زیر اہتمام 29جولائی کوانعقاد کئے جانے والے یوم صحافت کی مناسبت سے کالج طلبا کے لئے منعقدہ تعلقہ سطح کے مضمون نویسی مقابلہ میں نیو انگلش پی یو کالج کی شعبہ سائنس اول کی طالبہ کوسوما این نائک اول مقام حاصل کیا ہے۔

کرناٹک کے عازمین حج کا پہلا قافلہ بعافیت مدینہ پہنچا

کل منگلور سے سوئے حرم روانہ ہونے والے عازمین حج کے پہلے قافلے کی بعافیت مدینہ منورہ آمد ہوئی، منگلور سے اڑان بھرنے والے قافلے کا سعودی حکام اور ہندوستانی حج مشن کے افسران نے مدینہ کے شاہ عبدالعزیز ایر پورٹ پر استقبال کیا۔ ان عازمین میں گوا، کنٹا، بھٹکل، داونگیرے، چکمگلور، ...

جالی پنچایت علاقہ میں یوجی ڈی مرکز کی عوامی سطح پر سخت مخالفت :پنچایت دفتر کا گھیراؤ کرتے ہوئے احتجاج

جالی پٹن پنچایت علاقے کے سروے نمبر 202پر کسی بھی صورت میں یوجی ڈی مرکز کو موقع نہ دینے کا مطالبہ لے کر علاقے کے عوام نے جالی پٹن پنچایت دفترکا گھیراؤ کرتے ہوئے سخت احتجاج کیا۔

شیرور گرین ویلی اسکول کے چیرمین عبدالقادر باشو انتقال کرگئے؛ شام کو مینگلور میں ہوگی تدفین

مشہور و معروف تعلیمی ادارہ گرین ویلی نیشنل اسکول شیرور کے بانی اور چیرمین جناب عبدالقادر باشو  آج صبح کی اولین ساعتوں میں مینگلور کے ایک ہوٹل میںانتقال کرگئے۔ انا للہ و اناالیہ راجعون ۔ ان کی عمر 54 سال تھی۔