منگلورو: ٹی آر سریش کا تبادلہ۔ ویپول کمار ہونگے نئے سٹی پولیس کمشنر
منگلورو17؍اپریل(ایس او نیوز) اسمبلی انتخابات کے پس منظر میں ریاستی حکومت نے کئی آئی پی ایس افسران کے تبادلے کردئے ہیں۔ اس فہرست میں منگلورو کے پولیس کمشنر ٹی آر سریش بھی شامل ہیں۔ ان کی جگہ ویپول کمار کو نئے سٹی پولیس کمشنر کے بطور تعینات کیا گیا ہے۔
ویپول کمار تاحال انسپکٹر جنرل آف پولیس اور ڈائریکٹرآف کرناٹکا پولیس اکیڈیمی میسورو کے طور پر خدمات انجام دے رہے تھے۔1999 کے بیاچ کے آئی پی ایس افیسر ویپول کمار منگلورو سٹی پولیس کمشنر اور آئی جی پی کے عہدوں پر خدمات انجام دیں گے۔
ٹی آر سریش کا تبادلہ تو کردیا گیا ہے مگر ابھی ان کی پوسٹنگ کا مقام طے نہیں ہوا ہے۔ انہوں نے منگلورو سٹی پولیس کمشنر کے طور پر جون 2017میں عہدے کا چارج لیا تھا۔ اوراس عرصے میں اپنی بہترین کارکردگی کے لئے انہوں نے صدر ہند کے ہاتھوں باوقارپولیس میڈل بھی پایاتھا۔