منگلورو کمشنریٹ کے حدود میں15دنوں کے لئے پولیس ایکٹ کی دفعہ 35نافذ

Source: S.O. News Service | By Shahid Mukhtesar | Published on 16th July 2017, 3:00 PM | ساحلی خبریں |

منگلورو ،16؍جولائی (ایس او نیوز)جنوبی کینرا میں گزشتہ ڈیڑھ دومہینوں سے بڑھتی ہوئی فرقہ وارانہ کشیدگی اور بد امنی کے پس منظر میں منگلورو کمشنریٹ کے حدود میں15دنوں کے لئے پولیس ایکٹ کی دفعہ 35نافذکردی گئی ہے۔

16جولائی کی نصف شب سے لاگو کی گئی پولیس ایکٹ1963 کی اس دفعہ کے تحت عوامی سطح پر وہ تمام سرگرمیاں قابل گرفت جرم ہونگی جس سے نقض امن کا خدشہ ہوتاہے۔ اس کے تحت تقریریں کرنا، ہنگامے کھڑا کرنا،عوام کو مشتعل کرنے کے لئے گانااورموسیقی بجانا،اشارے کنایوں سے طنز کرنا، مذاق اڑانا، ممکری کرنا، تصاویر، علامات، پلے کارڈ یا دوسری چیزوں کی نمائش کرنا جو پولیس افسران کی نظر میں عوامی مزاج اور اخلاقیات کے منافی ہوں،جس سے عوام کا تحفظ میں خطرے پڑ سکتا ہو یا پھر کسی جرم کے لئے اکسانے کا کام کیا جاتا ہو، ایسی تمام سرگرمیوں کا ارتکاب جرم تصور کیاجائے گا اور اس کے خلاف قانونی کارروائی ہوگی۔

اس دفعہ کے تحت پتھروں کو جمع کرنے، لاشوں اورکسی کے پتلوںeffigyکی عوامی میں نمائش کرنے،یا کوئی بھی ایسا عمل کرنے پر پابندی رہے گی جو شائستگی اور شرافت کے خلاف ہو۔ اور امن عامہ کے حق میں نقصان دہ ہو۔

ایک نظر اس پر بھی

بھٹکل میں گائیوں سے بھری دو لاریوں پر حملے کے الزام میں گیارہ افراد گرفتار؛ کیاجانوروں کو بی جے پی لیڈر کے ڈیری فارم لےجایا جارہا تھا ؟

  تعلقہ کے مرڈیشور نیشنل ہائی وے پر کل رات ہوئی ہندو شدت پسند تنظیموں کے کارکنوں کی غنڈہ گردی کے واقعے کے بعد پولس متحرک ہوکر اب تک گیارہ لوگوں کو گرفتار کرنے میں کامیاب ہوگئی ہے، جبکہ دیگر حملہ آوروں کی تلاش جاری ہے۔

بھٹکل کے مرڈیشور میں جانوروں سے بھری دو لاریوں پر نام نہاد گئو رکھشکوں کا حملہ ؛ لاری ڈرائیور اور کلینر کی بری طرح پیٹائی

یہاں مرڈیشور نیشنل ہائی وے پر جانوروں سے بھری دو لاریوں کو روک کر  لاری ڈرائیور اور کلینر کی بری طرح پیٹائی کرتے ہوئے دونوں لاریوں میں زبردست  توڑ پھوڑ کرنے کی واردات پیش آئی ہے، جس کے بعد لاریوں پر موجود  جانوروں کو راستے پر ہی آزاد چھوڑ کر  اُنہیں بھگائے جانے کی بھی اطلاع ...

بی جے پی نے جھوٹ اور غلط بیانی سے ہم کو شکست دی ہے: پرمود مادھو راج

غیر متوقع طور پر اپنے ہم جماعت اور بی جے پی امیدوار رگھو پتی بھٹ سے شکست کھانے کے بعد سابق کانگریسی ایم ایل اے پرمود مادھو راج نے کانگریسی کارکنان سے خطاب کرتے ہوئے کہا کہ بی جے پی نے منصوبہ بند طریقے سے جھوٹ اور غلط بیانی کے سہارے انہیں شکست دی ہے۔

بنٹوال میں ٹپر ٹرک کی ٹکر سے موٹر بائک سوار ہلاک۔ دوسراشدید زخمی

نیشنل ہائی وے 75پر ٹول ناکے کے قریب پیش آنے والے حادثے میں ایک ٹپر ٹرک نے موٹر بائک کو ٹکر ماردی جس کے نتیجے میں بائک سوار موقع پر ہی ہلاک ہوگیا جبکہ بائک کی پچھلی سیٹ پر سوار شخص شدیدزخمی ہوگیا اور اس کی حالت بہت ہی نازک بتائی جارہی ہے۔