منگلورو:ڈاکٹر کے پرسکپرپشن کے بغیر نشہ آور دوائیوں کی فروخت۔ میڈیکل اسٹور کا لائسنس منسوخ

Source: S.O. News Service | By Shahid Mukhtesar | Published on 4th September 2018, 10:20 PM | ساحلی خبریں |

منگلورو 4؍ستمبر (ایس او نیوز) کسی مستند ڈاکٹر کی تجویز کردہ چٹھی (پرسکرپشن) کے بغیر نشہ آور دوائیاں فروخت کرنے کا الزام ثابت ہونے پر منگلورو پی وی ایس سرکل کے پاس واقع پی کے ہیلتھ کیورمیڈیکل شاپ کا لائسنس ڈرگ کنٹرول ڈپارٹمنٹ نے منسوخ کردیا ہے۔

بتایا جاتا ہے کہ پولیس کو دوائیوں کی اس دکان پر ممنوعہ نشہ آور دوائیاں بغیر ڈاکٹر کی پرچی کے فروخت کرنے کی مصدقہ اطلاع ملی تھی۔جس کی بنیاد پر سنٹرل سب ڈیویژن کے اے سی پی کی قیادت میں اوروا پولیس اسٹیشن انسپکٹر،ایسٹ اسٹیشن کے پولیس انسپکٹراورعملے نے مذکورہ دکان پر 18جولائی کوچھاپہ مارتے ہوئے ممنوعہ ادویات ضبط کرلیں۔ اس معاملے میں ڈرگ کنٹرول ڈپارٹمنٹ نے کیس رجسٹر کرلیا تھا ۔جب تحقیقات کے بعد پی کے ہیلتھ کیور میڈیکل شاپ کی طرف سے ڈرگ اینڈ کاسمیٹک ایکٹ 1940کی دفعہ 65Aکی خلاف ورزی ثابت ہوئی تو31اگست کو دکان کا لائسنس منسوخ کرنے کا حکم ڈرگ کنٹرول ڈپارٹمنٹ نے جاری کردیا ہے۔ 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...