اوکھی طوفان کی وجہ سے الال میں دو گھرہوگئے سمندر میں غائب

Source: S.O. News Service | By Shahid Mukhtesar | Published on 3rd December 2017, 7:30 PM | ساحلی خبریں | ان خبروں کو پڑھنا مت بھولئے |

منگلورو3؍دسمبر (ایس او نیوز) سمندری طوفان اوکھی کے بڑھتے ہوئے قدموں نے الال کے ساحلی کنارے پر دو گھروں کو اچانک اس وقت نیست و نابود کردیا جب گھر کے مکین سنیچر کی شام کو چرچ میں عبادت کے لئے گئے ہوئے تھے ۔

موصولہ رپورٹ کے مطابق طوفان کی وجہ سے سمندر کا پانی الال کے ساحل پر تمام مصنوعی رکاوٹوں کو توڑتے ہوئے 200میٹر تک اندر کی طرف گھس آیا ہے۔سنیچر کے دن شام 7بجے فلومینا فرنانڈیز اورایوریسٹ الفانسونامی دو خاندان کے تمام افراد گھر کو قفل لگاکر چرچ میں عبادت کے لئے چلے گئے تھے۔ لیکن جب وہ لوگ رات 10بجے کے قریب واپس لوٹے تو یہ دیکھ کر حیران رہ گئے کہ وہاں پر ان کے دونوں مکانات کا نام و نشان بھی موجود نہیں تھا۔ اگر کچھ تھا تو بس سمندر کی موجیں تھیں۔اس کے علاوہ مزید ایک تیسرے گھر کا نصف حصہ بھی سمندر میں بہہ چکاتھا۔

بتایا گیا ہے کہ جن گھروں کو سمندر نے نگل لیا اس میں فلومینا فرنانڈیز کے گھر میں موجود تقریباً6لاکھ روپے مالیت کی اشیاء بھی پانی میں لاپتہ ہوگئیں، جبکہ الفانسو کے گھر میں موجود 8لاکھ روپے مالیت کی اشیاء بہہ جانے کا اندازہ لگایا گیا ہے۔ اب یہ دونوں خاندان بے گھر ہوکر اپنے رشتے داروں کے یہاں قیام کرنے پر مجبور ہوگئے ہیں۔ پولیس اور ریوینیو محکمہ کے افسران نے جائے وقوع پر پہنچ کر حالات کا جائزہ لیا۔

ایک رپورٹ کے مطابق الال کی ساحلی پٹی پر سمندر کٹاؤ سے بچنے کے لئے جو مصنوعی دیوار تعمیر کی گئی ہے وہ طوفانی موجوں کو قابو میں کرنے سے قاصر ہےاور مزیدتقریباً 50گھروں پر خطرہ منڈلارہا ہے۔ان تمام خاندانوں کو محفوظ مقامات پر منتقل کروایا گیا ہے۔

ایک نظر اس پر بھی

منگلورو وینلاک اسپتال کے روبرو پرائیویٹ میڈیکل کالج کے طلبا ڈاکٹروں کااحتجاج : تعلیمی وظیفہ کی  ادائیگی کی مانگ

سرکاری اسپتالوں میں کلینکل سہولیات پانے والے  پرائیویٹ میڈیکل کالج کے سرکاری کوٹہ کے گھریلو ڈاکٹر اور پوسٹ گریجویٹ  ڈاکٹرس کو گزشتہ 8مہینوں سے تعلیمی وظیفہ ادا نہیں کیاگیا ہے ، تعلیمی وظیفہ کی مانگ کرتے ہوئے طلبا ڈاکٹروں نے شہر کے وینلاک اسپتال کے روبرو احتجاج کیا۔

سورتکل میں ٹول گیٹ فیس وصولی  لائسنس کی تجدیدکاری کے خلاف غیر معینہ مدت کا دھرنا

ریاستی حکومت کی پیش کش کے باوجود  نیشنل ہائی وے اتھارٹی کی طرف سے  سورتکل کے غیر قانونی ٹول گیٹ کے  فیس وصولی لائسنس کی تجدید کئے جانے کی مخالفت کرتے ہوئے آج سے ٹول گیٹ مخالف ہوراٹ سمیتی کی قیادت میں سورتکل جنکشن پر دن رات کا غیر معینہ مدت کا دھرنا شروع کیاگیا

کاروار میں سرکاری انجینئرنگ کالج پرنسپال کی غفلت۔ بی ای سیکنڈ کو نہیں ملی لیاٹرل اینٹری۔ طلبہ کا خسارہ

سرکاری انجینئرنگ کالج کے پرنسپال کی غفلت کی وجہ سے بی ای سال دوم میں طلبہ کو داخلے کے لئے لیاٹرل اینٹری کی جو سہولت ہے وہ دستیاب نہیں ہوسکی ہے۔ لیاٹرل اینٹری سسٹم کے ذریعے ڈپلومہ پورا کرنے والے طلبہ براہ راست انجینئرنگ کے سال دوم میں ایک امتحان کے ذریعے داخلہ لے سکتے ہیں۔

ضلع شمالی کینرا میں جے ڈی ایس کا وجود نہیں ہے۔ آئندہ لوک سبھا میں کانگریس کا ہی امیدوار ہوگا۔ دیشپانڈے کا بیان

ریوینیو اور ضلع انچارج وزیر آر وی دیشپانڈے نے کہا ہے کہ ضلع شمالی کینرا میں جنتا دل ایس کا کوئی وجود نہیں ہے، بلکہ کانگریس پارٹی ضلع میں پوری طرح مستحکم ہے۔ اس لئے آئندہ لوک سبھا انتخاب میںیہاں سے کانگریس کا امیدوار ہی میدان میں اتارا جائے گا۔

کمٹہ: پجاری وشویشورا بھٹ کے قتل کی سازش پہلے بھی رچی گئی تھی؛ پولس کی تحقیقات جاری

حال ہی میں کمٹہ مندر کے پجاری وشویشورا بھٹ کے قتل سے متعلق تحقیقات کے دوران یہ بات سامنے آئی ہے کہ اپنے خون کے رشتے دار پر بھروسہ ہی ان کے قتل کا سبب بنا ہے، کیونکہ انہیں نئی خریدی گئی زمین کی شدھی کرنے کی پوجا انجام دینے کے بہانے مرور کی طرف بلاکر لے جانے والا کوئی اجنبی نہیں ...

بھٹکل میں طبی سہولیات کا ایک جائزہ؛ تنظیم میڈیا ورکشاپ میں طلبا کی طرف سے پیش کردہ ایک رپورٹ

مجلس اصلاح و تنظیم بھٹکل کی جانب سے منعقدہ پانچ روزہ میڈیا ورکشاپ میں جو طلبا شریک ہوئے تھے، اُس میں تین تین اور چار چار طلبا پر مشتمل الگ الگ ٹیموں کو شہر بھٹکل کے مختلف مسائل کا جائزہ لینے اور اپنی رپورٹ پیش کرنے کی ہدایت دی گئی تھی، اس میں سے ایک  ٹیم جس میں  حبیب اللہ محتشم ...