منگلورو کنکن ناڈی میں جسم فروشی کے اڈے پر پولیس کا چھاپہ۔دلال ہوگیا فرار۔ 2خواتین کو ملی رہائی
منگلورویکم فروری (ایس او نیوز) کنکن ناڈی کے شکتی نگر علاقے میں واقع ایک رہائشی فلیٹ میں چل رہے جسم فروشی کے اڈے پر پولیس نے چھاپہ مارا اور اس دھندے میں لگی ہوئی دو خواتین کو رہا کروایا جبکہ اس طوائف خانے کا مالک گریش نامی شخص فرار ہونے میں کامیاب ہوگیا۔
پولیس کے بیان کے مطابق خواتین کو جسم فروشی کے دھندے میں لگانے والے گریش کے خلاف اِمّورل ٹریفک (پریوینشن)ایکٹ کے تحت کیس درج کرلیا گیا ہے۔چھاپہ ماری کی کارروائی پولیس انسپکٹر راما کرشنا کی قیادت میں نارتھ اور ایسٹ پولیس کے اسٹیشن کے عملے اور کنکن ناڈی پولیس اسٹیشن کے انسپکٹر اشوک کے علاوہ اسسٹنٹ سب انسپکٹر جانکی نے انجام دی۔