منگلورو،25؍فروری (ایس او نیوز) سٹی کرائم برانچ کو ملی مصدقہ اطلاع کی بنیا د پر کارروائی کرتے ہوئے کوڈیال گوتھو کے قریب ایک فلیٹ پر چھاپہ مارا گیا جہاں پر نوجوان لڑکیوں کو جسم فروشی کے لئے استعمال کیا جارہا تھا۔

چھاپے کے دوران اڈیا پاڈو کے رہنے والے ریاض(35سال) اورایک خاتون دلال کو گرفتار کرلیا گیاجو اپنے فلیٹ میں نوجوان لڑکیوں کو رکھتے ہوئے جسم فروشی کا دھندا چلارہی تھی۔ اس دھندے میں استعمال کی جانے والی کولکتہ کی ایک لڑکی کو جسم فروشی کے جال سے رہا کروایا گیا۔اس موقع پر ایک آٹو رکشہ، نقد 1800روپے اور موبائل فون بھی ضبط کیے گئے۔ گرفتار ملزمین اور ضبط کردہ اشیاء کواگلی کارروائی کے لئے برکے پولیس اسٹیشن کے حوالے کیا گیا۔چھاپہ ماری کی اس کارروائی میں پولیس انسپکٹر شانتارام، پی ایس آئی شیام سندر، کبّل راج اور دیگر عملے نے حصہ لیا۔