منگلورو: بین الریاستی بدنام زمانہ غنڈے کو اینٹی راؤڈی اسکواڈ نے کیا گرفتار
منگلورو2؍فروری (ایس او نیوز) منگلورو ساؤتھ کے اینٹی راؤڈی اسکواڈ نے کے سی روڈ پر کارروائی کرتے ہوئے ایک بین الریاستی بدنام زمانہ غنڈے کو گرفتار کرلیا ہے۔
گرفتار غنڈے کا نام محمد رفیق عرف ناپتّے(لاپتہ) رفیق (29سال) بتایا گیا ہے، جو کہ اوپلا کاسرگوڈ کا رہنے والاااور مفرور ملزم ہے ۔ اس کے خلاف عدالت سے جاری کیا گیا گرفتاری کا وارنٹ پتور ٹاؤن اور دیہی پولیس اسٹیشنوں میں التوا میں پڑا تھا۔ منگلورو ساؤتھ سب ڈیویژن اینٹی راؤڈی اسکواڈکے اسسٹنٹ پولیس کمشنر کو رفیق کے تعلق سے جومصدقہ اطلاعات ملی تھیں اس پرگرفتاری کی کارروائی انجام دی گئی جس میں اینٹی راؤڈی اسکواڈ کے علاوہ الال پولیس کے عملے نے بھی حصہ لیا ۔رفیق پر جو مقدمات درج ہیں اس میں سے ایک معاملہ الال پولیس اسٹیشن میں ہے جس میں الزام ہے رفیق نے ایک فلیٹ میں غیر قانونی طور پرداخل ہو کر اس میں مقیم خاتون کے ساتھ نہ صرف گالم گلوچ کیا بلکہ اسے جان سے مارنے کی دھمکی بھی دی تھی ۔