منگلورو:وجیا بینک کو گجرات کے بینک آف بروڈا میں ضم کرنے کے خلاف ایم ایل سی آئیوان ڈیسوزا کی بھوک ہڑتال

Source: S.O. News Service | By Shahid Mukhtesar | Published on 8th January 2019, 7:31 PM | ساحلی خبریں |

منگلورو8؍جنوری (ایس او نیوز) مرکزی حکومت نے چند بینکوں کوضم کرنے کا جو اعلان کیا ہے اس میں جنوبی کینرا کا وجیا بینک بھی شامل ہے ، جسے گجرات کے بینک آف بروڈا کے ساتھ ضم کیا گیا ہے۔

مرکزی حکومت کے اس فیصلے کے خلاف ایم ایل سی آئیوان ڈیسوزا نے ۸ جنوری کی صبح دس بجے منگلورو میں گاندھی پارک میں مہاتما گاندھی کے مجسمے اور وجیا بینک کے فاونڈر اے بی شیٹی کے فوٹو پر پھول چڑھانے کے بعدایک دن کی بھوک ہڑتال شروع کی ۔بھوک ہڑتال پر بیٹھنے والوں نے اپنے بازوؤں اور سروں پر کالی پٹیاں باندھ رکھی تھیں۔

اس موقع پر مجمع سے خطاب کرتے ہوئے آئیوان ڈیسوزا نے کہا کہ یہ کسی سیاسی مقصد یا شخصیت کے خلاف ہڑتا ل نہیں ہے بلکہ نقصان میں چل رہے بینکوں کے ساتھ دوسرے بینکوں کو ضم کرنے کے اقدام کے خلاف احتجاج ہے۔ مودی کی قیادت میں مرکزی حکومت نے جنوبی کینرا کے عوام اور وجیا بینک کے ہزاروں ملازمین کے ساتھ دھوکہ کیا ہے۔انہوں نے کہا کہ سب کو پتہ ہے کہ ’دینا بینک ‘ اور ’بینک آف بروڈا‘ بڑے خسارے میں چل رہے ہیں۔ پھر منافع میں چل رہے وجیا بینک کو خسارے والے بینک آف بروڈا میں ضم کرنے کا مطلب کیا ہے۔

رکن پارلیمان نلین کمار کٹیل پر نشانہ سادھتے ہوئے آئیوان نے کہا کہ اپنے علاقے کے عوام کاساتھ دینے کے بجائے رکن پارلیمان مودی کی پالیسی کی حمایت کررہے ہیں۔ جنوبی کینرا کے عوام ان کے خلاف بغاوت کریں گے اور سر عام ان کے کپڑے پھاڑ ڈالیں گے۔

ایم ایل سی ہریش کما ر نے بھی خطاب کرتے ہوئے کہا کہ وجیا بینک جنوبی کینرا کے عوام کی شناخت ہے، ہم اجنبیوں کو اسے چھین لینے کی اجازت نہیں دیں گے ۔

ایک نظر اس پر بھی

اسپتال قائم کرنا میری ذمہ داری نہیں ہے: کاروار میں ایم پی اننت کمار ہیگڈے کا تکبرانہ بیان

ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ الٹے سوشیل ...

اڈپی کے موٹر بائک شوروم میں بھیانک آتشزدگی۔ فائربریگیڈ کی بروقت کارروائی سے ٹل گیا سنگین حادثہ

یہاں اندرالی ریلوے پل سے قریب واقع ہیرو ہونڈا موٹربائک کے جئے دیوا شو روم میں اتوار کی شب میں بھیانک آتشزدگی کا واقعہ پیش آیا۔ چونکہ اس شوروم سے متصل پٹرول بنک موجود ہے اس لئے حادثہ سنگین رخ اختیار کرنے کے امکانات پیدا ہوگئے تھے، لیکن فائر بریگیڈ عملے کی بروقت کارروائی کی وجہ ...

منگلورو میں ڈینگی بخار کے 40مشتبہ مریض اسپتال میں داخل۔ریاستی سطح پر% 70ملیریا کے معاملات منگلورو میں درج ہوئے

گزشتہ تین ہفتوں کے دوران منگلورو کے گجّر کیرے نامی علاقے میں ڈینگی بخار کے 40مشتبہ مریض اسپتال میں داخل کیے گئے ہیں تفتیش کے بعد ان میں سے ایک معاملے میں ڈینگی بخار کی تصدیق ہوگئی ہے۔

منگلورو ایئر پورٹ پر 20.67لاکھ روپے مالیت کا سونا ضبط

منگلورو انٹرنیشنل ایئر پورٹ پر سونا اسمگلنگ کرنے کی کوشش کو ناکام بناتے ہوئے کسٹم کے افسران نے ایک مسافر کے قبضے سے 24کیریٹ کا608  گرام سونا ضبط کرلیا جو مسافر نے پیسٹ کی شکل میں اپنے مقعد میں چھپاکر رکھا تھا۔

کاروار میں شراب کے نشے میں دُھت کار چلانے کے دوران چار سواریوں کو ٹکر دینے کے بعد عوام نے نیوی اہلکار کی لی خوب خبر

نیوی اہلکار کو کاروار میں  اُس وقت عوام  کے ہاتھوں بری طرح    پٹنا پڑا جب  شراب کے نشے میں ڈرائیونگ کرنے کے دوران اس کی کار  یکے بعد دیگرے چار کاروں سے ٹکرا گئی۔ واردات  کاروار کے بِنگا میں کدمبا نیوی کے گیٹ کے قریب سنیچر شب کو  پیش آیا۔