منگلورو: قاتلانہ حملے کا شکار راجو چل بسا: ملزم گرفتار
منگلورو:۲۶/ستمبر (ایس او نیوز)کل رات جس شخص پر تین لوگوں نے چاقو چھری سے حملہ کیا تھا وہ 26ستمبر پیر کو وینلاک اسپتال میں موت کی نیند سوگیا۔ جس کی شناخت راجو پجاری (40) کی حیثیت سے کی گئی ہے۔
موصولہ اطلاعات کے مطابق اتوار کی رات نیروڈے میں سلوچنا(38)نامی عورت کے گھر گیا تھا، جواس کے دوست کی بیوہ ہے۔ جہاں سلوچنا ، اس کے بہن کے بیٹے دنیش (28)اور سدھا کر نے راجو پر حملہ کیا۔ ابھی تک یہ پتہ نہیں چلاہے کہ آخر حملہ کس وجہ سے کیا گیا ، البتہ یہ کہا جارہاہے کہ راجو ، سلوچنا کے گھر اکثر جایا کرتاتھا۔ سلوچنا کا شوہر دوسال پہلے فوت ہوگیا تھا ، سلوچنا کے تین بچے ہیں۔ حملے کے بعد شدید زخمی راجو کو مقامی شخص رویش نے دیکھا تو اس کو وینلاک اسپتال میں علاج کے لئے داخل کرایاتھا لیکن علاج کارگر نہ ہونے کی وجہ سے پیر کو اس نے آخری سانس لی۔ بجپے پولس تھانہ انسپکٹر ٹی ڈی ناگ راج ، سب انسپکٹر ستیش اور دیگر پولس عملے نے سلوچنا، دینیش اور سدھاکر کو گرفتارکیاہےمعاملے کی جانچ جاری ہےاور نعش پوسٹ مارٹم کے لئے بھیج دی گئی ہے۔
SahilOnline Coastal news bulletin in URDU dated 26 September 2016: