منگلورو: چٹانیں کھسکنے کی وجہ سے غیر معینہ مدت تک ٹریفک کے لئے بند کیا گیا شیراڈی گھاٹ 

Source: S.O. News Service | By Shahid Mukhtesar | Published on 21st August 2018, 1:26 PM | ساحلی خبریں | ان خبروں کو پڑھنا مت بھولئے |

منگلورو21؍اگست (ایس او نیوز) ایک طرف سمپاجے سے میسورو کی طرف جانے والی شاہراہ چٹان کھسکنے کی وجہ سے ٹریفک کے لئے بند کردی گئی ہے تو دوسری طرف شیراڈی گھاٹ پر مزید چٹانیں کھسکنے اور مسافروں کے جان و مال کو خطرہ درپیش ہونے کی وجہ سے سکلیشپور کے سب ڈیویژنل آفیسر نے غیر معینہ مدت کے لئے شیراڈی گھاٹ پر موٹر گاڑیوں کی آمد و رفت کو بند کرنے کے احکام جاری کیے ہیں۔

خیال رہے کہ پچھلے کچھ دنوں میں شیراڈی گھاٹ کے 33مقامات پر چٹانیں کھسکنے کے واقعات پیش آئے تھے۔وہاں سے ملبہ ہٹانے کا کام جنگی پیمانے پرابھی بھی جاری ہے۔ لیکن اسی دوران ایک خطرناک صورتحال یہ دیکھنے میں آرہی ہے کہ کئی مقامات پر ہائی وے کے نیچے سے زمین کھسکنے لگی ہے، جس سے ہائی وے کھسکنے کا خطرہ پیدا ہوگیا ہے۔اس ہائی وے سے ہوتے ہوئے منگلورو سے بنگلورو کا سفر کرنے والے اس نئی صورتحال سے پریشان ہوگئے ہیں۔ گزشتہ ایک ہفتے سے شیراڈی گھاٹ پر ٹریفک کو بند کردیا گیا تھا۔ اب تازہ جانکاری کے مطابق مسافروں کے تحفظ کے پیش نظر اس ہائی وے سے ٹریفک کوغیر معینہ مدت تک کے لئے بند کردیا گیا ہے۔

ضلع جنوبی کینرا کو دوسرے اضلاع سے جوڑنے والے دو راستے بند ہوجانے کے بعد اب چارمڈی گھاٹ کا ہی ایک راستہ بچا ہوا ہے، اور اگر یہاں پر بھی زمین یا چٹان کھسکنے کے تازہ واقعات ہوتے ہیں تو پھر جنوبی کینرا کا رابطہ دوسرے اضلاع سے بالکل منقطع ہوجائے گا۔

ایک نظر اس پر بھی

بھٹکل کی لائن اسپورٹس سنٹر’اسکوائر آر ایس اے T20ٹورنامنٹ‘ کی چمپئین:فائنل میں 40رنوں سے رایل کو شکست

منکی کے کوچاپو میدان میں آر ایس اے منکی کی طرف سے منعقدہ ٹی 20کرکٹ ٹورنامنٹ کے فائنل مقابلے میں لائنس اسپورٹس سنٹر نے رایل اسپورٹس سنٹر کو 40رنوں سے شکست دے کر ’اسکوائر آر ایس اے چمپئین ٹروفی ‘ کا خطاب جیتا۔

بھٹکل: شرالی میں ہائی وے کی توسیع کے دوران ہنگامہ؛ پولس کی لی گئی مدد؛ عوامی مخالفت نظرانداز؛ 30میٹرکی ہی توسیع کے ساتھ کام شروع

شرالی میں قومی شاہراہ کی تعمیر 45میٹر کی توسیع کے ساتھ ہی کی جائے ، کسی حال میں بھی توسیع کو 30میٹر تک کم کرنے نہیں دیں گے۔  مقامی  عوام کی سخت مخالفت کے باوجود ضلع انتطامیہ بدھ کو 30 میٹر کی توسیع کے ساتھ شاہراہ تعمیری کام کی شروعات کی۔

اڈپی ضلع مسلم متحدہ محاذ کی طرف سے ’معززین‘ کی کانفرنس۔اسلام کے تعلق سے’ سچائی گھر گھر تک‘پہنچانے کی مہم ہوگی شروع۔ یاسین ملپے کاخطاب

برہماور کے آڈیٹوریم میں منعقدہ معززین کی کانفرنس سے خطاب کرتے ہوئے اڈپی ضلع مسلم متحدہ محاذکے صدر یاسین ملپے نے کہا کہ اسلام کے تعلق ’سچائی گھر گھر تک‘ پہنچانے کی مہم شروع کی جارہی ہے۔اس تعلق سے مساجد کے صدوراور خطباء کو اس مہم میں زیادہ سے زیادہ دلچسپی لینی چاہیے۔ضلع کی ...

اکھلیش کو الہ آباد یونیورسٹی کے پروگرام میں جانے سے روکاگیا، مایاوتی نے کہا اتحاد سے گھبرا گئی ہے بی جے پی 

الہ آباد یونیورسٹی میں طلبہ یونین کے سالانہ پروگرام میں شرکت کرنے جا رہے سماج وادی پارٹی کے سربراہ اکھلیش یادو کو لکھنؤ ہوائی اڈے پر ہی روک دیئے جانے کی بی ایس پی سربراہ مایاوتی نے بھی مذمت کی ہے۔