منگلورو 8؍اپریل (ایس او نیوز) یہاں سے قریب فرنگی پیٹ میں شارق نامی نوجوان کا نیا iVoomi Me3Sنامی موبائل فوناچانک پھٹ پڑامگر خوش قسمتی سے شارق کو کوئی جسمانی نقصان نہیں پہنچا۔

شارق کے بیان کے مطابق اس نے مذکورہ فون 6,499روپے کی قیمت پر آن لائن خریداتھا۔جب وہ اس پر ڈاؤن لوڈ کیا گیا گیم کھیل رہا تھا تو فون کے چارجنگ پوائنٹ سے چنگاریاں نکلنے لگیں۔ اس نے فوراً اس فون کو زمین پر پھینکا اور ذرافاصلے پر جاکرکھڑا ہوگیا۔ تھوڑی دیر میں ہی فون دھماکے سے پھٹ پڑا اوراس میں آگ لگ گئی۔جس کی وجہ سے پورا فون تباہ ہوگیا۔ شارق کا کہنا ہے کہ اس نے دوسرے فون سے اس منظر کا ویڈیوبنالیا ہے اور ویڈیو کلپ کمپنی کو بھیج دی ہے۔کمپنی اگر مناسب جواب نہیں دیتی ہے تو پھروہ کنزیومر کورٹ میں معاملہ درج کرنے والا ہے۔