منگلورو میں موسلادھار برسات سے سڑکیں ندیوں میں تبدیل؛ سنیچر کو اسکولوں اور کالجوں میں چھٹی کا اعلان

Source: S.O. News Service | By Shahid Mukhtesar | Published on 11th August 2018, 9:54 AM | ساحلی خبریں |

منگلورو1 11/؍اگست (ایس او نیوز) شہر میں لگاتار اور زبردست بارش ہونے کی وجہ سے کئی علاقے زیر آب ہوگئے ہیں اور اکثر سڑکیں ندیوں او رتالابوں میں تبدیل ہوگئی ہیں ، جس کی وجہ سے عام زندگی بری طرح متاثر ہوئی ہے۔

بھاری بارش کو دیکھتے ہوئے ضلعی انتظامیہ نے سنیچر کو سبھی اسکولوں اور کالجوں میں چھٹی کا اعلان کیا ہے۔

مسلسل بارش سے جمعہ کو مینگلور کے مالیمار روڈ پر  اس قدر پانی جمع ہوگیا تھا کہ کچھ گھنٹوں تک اس پر چلنا پھرنا یا موٹر گاڑیاں دوڑانا ممکن نہیں تھا۔کچھ ایسی ہی حالت کوٹارا چوکی کے مین روڈس کی تھی جہاں پانی جمع ہونے سے سڑک نظر ہی نہیں آرہی تھی۔کئی سڑکوں تک گھٹنوں سے اوپر تک پانی جمع ہوگیا جس سے وہاں سے گزرنے والوں کو بہت زیادہ مشکلات کا سامنا کرنا پڑا۔کئی جگہ ٹریفک جام کی کیفیت پید ا ہوگئی۔

برسات کا پانی سڑکوں کے ساتھ ساتھ کچھ گھروں کے کمپاونڈس میں بھی گھس گیا۔اس کے علاوہ ان علاقوں میں ڈرینیج سے بھی پانی ابلنا شروع ہوگیا جو عوام کے لئے مزید مصیبت کا سبب بن گیا ۔اس علاقے کے عوام کا کہنا ہے کہ اس سے پہلے بھی اس قسم کی صورتحال پید ا ہوچکی ہے مگر عوامی منتخب نمائندوں نے اس سلسلے میں تدارک کرنے کے لئے کسی بھی قسم کی کارروائی نہیں کی۔برساتی پانی جمع ہونے سے روکنے اور ڈرینیج کے مسائل حل کرنے کے جو وعدے سیاسی لیڈروں نے کیے تھے وہ بس وعدوں کی حد تک ہی رہے۔

دوسری طرف دھرمستھلا میں نیتراوتی ندی خطرے کے نشان سے اوپر بہنے لگی ہے۔سڑکوں پر سیلابی پانی کی وجہ سے دھرمستھلا آنے والے بھکتوں کو بڑی پریشانی سے گزرنا پڑ رہا ہے۔ جمعہ کو  دوپہر سے بارش تیز ہوجانے اور سڑکوں پر پانی جمع ہونے سے اسکولی بچوں کے لئے گھر واپس لوٹنا دشوار کن مسئلہ بن گیا تھا۔

ایک نظر اس پر بھی

مرڈیشور میں غیر ضروری بات کو لے کر ماحول خراب کرنے کی کوشش؛ سری رام سینا لیڈر اسپتال میں داخل

تعلقہ کے مرڈیشور میں  سری رام سینا  ضلعی صدر مسلم نوجوانوں سے اُلجھنے کے بعد زخمی ہو کر سرکاری اسپتال میں داخل ہونے کی واردات پیش آئی ہے، جس کے بعد سوشیل میڈیا پر زخمی شخص  کے فوٹو کے ساتھ مسیجس پھیلاکر عوام میں انتشار پیدا کرنے کی کوشش ہورہی ہے۔

اُڈپی میں’ محمد ﷺنوع انسانی کے عظیم رہنما ‘سیرت مہم کا اختتامی اجلاس 14ڈسمبر جمعہ کو : کیمارو کے سوامی جی مہمان خصوصی

جماعت اسلامی ہند کرناٹکا کے زیر اہتمام ریاستی سطح پر ’’حضرت محمد ﷺ نوع انسانی کے عظیم رہنما ‘‘ عنوان کے تحت منائی گئی مہم کی مناسبت سے اُڈپی ضلع میں ’’انسانی اقدار حضرت محمد ﷺ کی سیرت میں ‘‘ عنوان کے تحت ایک ماہ تک مہم منائی گئی ۔ مہم کا اختتامی اجلاس 14ڈسمبر 2018بروز جمعہ کی ...

بھٹکل قومی شاہراہ کے متاثرین کو یکساں معاوضہ  اور ساحل سمندر مکینوں کو زمین حق اسناد تقسیم کرنے سرمائی اجلاس میں  رکن اسمبلی کا مطالبہ

قومی شاہراہ کی توسیع کے لئے اپنی زمینات، دکانیں، عمارات ، باغات کھونےو الوں کو ہائی وے اتھارٹی کی طرف سے جو معاوضہ دیا گیا ہے وہ غیر سائنٹفک ہے ۔ اس کے بجائے ان تمام کو یکساں معاوضہ دینے کے لئے اقدام اٹھانے کے متعلق بھٹکل کے رکن اسمبلی سنیل نائک نے ودھان سبھا میں مانگ کی ہے۔

بھٹکل کا شمس تعلیمی ادارہ بھائی چارگی کا مرکز اوریہاں کی کھیل، تعلیمی اور ثقافتی سرگرمیاں قابل ستائش : شمس اسکول کے سالانہ کھیل مقابلوں کی افتتاحی تقریب میں  ڈی وائی ایس پی ویلنٹائن ڈیسوزا

شکست انسان کو فتح کا احسا س دلاتی ہے ، ہار کے بعد جیت ہونے پر جس طرح دل خوش ہوتاہے اس کا لطف ہی کچھ اور ہونے کا بھٹکل ڈی وائی ایس پی ویلنٹائن ڈیسوزا نے خیال ظاہر کیا۔