منگلورو 26؍اپریل (ایس او نیوز)الال برڈج کے قریب نیتراوتی ندی میں ایک اجنبی شخص کی لاش تیرتی ہوئی ملی ہے۔فائر بریگیڈ کے عملے نے مقامی لوگوں کے تعاون سے لاش ندی سے باہر نکال لی ہے ، مگر اس فوت شدہ شخص کی شناخت ابھی معلوم نہیں ہوسکی ہے۔

ندی میں تیرتی ہوئی لاش کی خبر ملنے پر سڑک پر لوگوں کاہجوم جمع ہوگیا جس سے موٹر گاڑیوں کی آمد و رفت میں رکاوٹ پیدا ہوگئی ۔ ٹریفک پولیس نے موقع پر پہنچ کر ہجوم کو منتشر کیا اور ٹریفک کو معمول پر لانے کی کوشش کی۔