منگلورو : خواتین کے گلے سے چین اڑانے والابدنام زمانہ ملزم گرفتار۔ مسروقہ زیورات اور کار ضبط

Source: S.O. News Service | By Shahid Mukhtesar | Published on 10th October 2018, 1:20 PM | ساحلی خبریں |

منگلورو10؍اکتوبر(ایس او نیوز) منگلورو پولیس کی سنٹرل کرائم برانچ نے کارروائی کرتے ہوئے خواتین کے گلے سے سونے چین اڑانے والے ایک بدنام زمانہ لٹیرے کو گرفتار کرلیا ہے اور اس کے قبضے سے مسروقہ زیورات برآمد کرنے کے علاوہ مجرمانہ سرگرمی کے لئے استعمال ہونے والی کار بھی ضبط کرلی ہے۔

موصولہ رپورٹ کے مطابق پولیس کو اطلاع ملی تھی کہ وامنجور کے علاقے میں سونے کی چین اڑانے کچھ لوگ ماروتی رٹز کار میں گھومتے نظر آئے ہیں۔ سی سی بی ٹیم نے مذکورہ کار کا پیچھا کیا اور کار میں سوارشکیب عرف سبّو(25سال) کوگرفتار کرلیاجوکہ کاٹیاپلیا سورتکل کا رہنے والا ہے۔مبینہ طور پر ملزم نے اقبال جرم کرتے ہوئے کہا ہے کہ وہ اپنے ساتھیوں کے ساتھ کار اور موٹر بائکس کا استعمال کرتے ہوئے خواتین کے گلے سے چین اڑانے کی کارروائیاں کیا کرتا ہے۔

مختلف اوقات میں مختلف مقامات پر خواتین کے گلے سے سونے کی چین اور منگل سوتر وغیرہ اڑانے کے کئی معاملات میں شکیب او راس کے ساتھیوں کے ملوث ہونے کی بات سامنے آئی ہے۔ پولیس نے مسروقہ زیورات میں سے کچھ چیزیں شکیب کے قبضے سے برآمد کرلی ہیں جن کی مالیت 4,15,000 روپے بتائی جاتی ہے۔اس کے علاوہ رٹز کار اور دو موبائل فون بھی ضبط کیے گئے ہیں جن کی مالیت کا اندازہ 6,60,000 روپے لگایا گیا ہے۔

پولیس کا کہنا ہے کہ شکیب کے خلاف سورتکل پولیس اسٹیشن میں پہلے سے چھ معاملات درج ہیں جس میں قتل کی کوشش کا ایک معاملہ بھی شامل ہے۔اس کے علاوہ بجپے پولیس اسٹیشن میں ڈاکہ زنی اور منگلورونارتھ پولیس اسٹیشن میں بائک چوری کے کیس بھی اس پر درج ہیں۔پولیس اس کے دیگر ساتھیوں کی تلاش میں لگی ہوئی ہے۔سی سی بی پولیس نے گرفتار ملزم اور ضبط شدہ اشیاء کو موڈبیدری پولیس کے حوالے کردیا تاکہ مزید کارروائی کی جاسکے۔

ایک نظر اس پر بھی

بھٹکل: نوجوان اپنی ذمہ داریوں کو سمجھیں اور وقت کا صحیح استعمال کریں : ڈاکٹر سریش نایک

دی نیوانگلش پی یو کالج میں منعقدہ پارلیمنٹ نامی ایک پروگرام کا افتتاح کرتے  ہوئے بھٹکل ایجوکیشن  کے صدر ڈاکٹر سریش نایک نے نوجوانوں سے اپیل کی کہ وہ اپنی ذمہ داریوں کا شعور رکھتے ہوئے اوقات کا صحیح استعمال کریں اور  ملک کی تعمیر اور اس کی ترقی میں  اپنا رول ادا کریں۔  انہوں نے ...

اترکنڑا ضلع کے سبھی پولس تھانوں میں ہر ماہ کی دوسری اتوار کو ’یوم دلت‘ منایاجائے : ڈی سی ہریش کمار

پسماندہ طبقات وذات والوں کے مسائل اور شکایات کو حل کرنے کے لئے ہر ماہ  کی دوسری اتوار کو سبھی پولس تھانوں میں ’’ یومِ دلت ‘‘ منانے کے لئے منصوبہ تشکیل دینے اترکنڑاڈی سی ڈاکٹر ہریش کمار نے پولس محکمہ کو  ہدایات جاری کی ہیں۔

کاسرگوڈ میں جانور لے جانے کے الزام میں دو لوگوں پر حملہ؛ بجرنگ دل کارکنوں کے خلاف معاملات درج کرنے پر مینگلور کے قریب وٹلا اور بنٹوال میں بسوں پر پتھراو

پڑوسی ریاست کیرالہ کے  کاسرگوڈ میں جانور لے جانے کے الزام میں دو لوگوں پر حملہ اور لوٹ مار کی وارداتوں کے بعد پولس نے جب  بجرنگ دل کارکنوں کے خلاف معاملات درج کئے  تو  مینگلور کے قریب  وٹلا اور بنٹوال  میں  بسوں پر پتھراو اور توڑ پھوڑ کی واردات پیش آئی ہے۔ پتھراو میں   نو ...