منگلورو10؍دسمبر (ایس او نیوز)کدری پولیس اسٹیشن کے حدود میں واقع ایک فلیٹ کے اندر چلائے جارہے جسم فروشی کے اڈے پر سٹی کرائم برانچ پولیس نے چھاپہ مارا اور ایک خاتون دلال کے علاوہ دو گاہکوں کو بھی گرفتار کرلیا۔

پولیس کو مصدقہ اطلاع ملی تھی کہ پاڈاؤ کے علاقے میں رام کرشنا اپارٹمنٹ کے ایک فلیٹ میں جسم فروشی کا اڈہ چلایا جارہا ہے۔اس پر کارروائی کرتے ہوئے سی سی بی ٹیم نے اس فلیٹ پر چھاپہ ماری کی جس میں سجاتاعرف اروندھتی(30سال) مقیم تھی۔ کہا جاتا ہے کہ سجاتا اپنے فلیٹ میں باہر سے لڑکیوں کو بلاتی تھی اور ان سے جسم فروشی کا دھندا چلایا کرتی تھی۔ پولیس نے سجاتا کے علاوہ وہاں پر موجود گاہک بلّاری کے منجو ناتھ (38سال) اور ملپے کے ہریش(58سال) کو گرفتار کرلیا اور جسم فروشی کا کام کرنے والی لڑکیوں کو وہاں سے بچالیا گیا۔چھاپے کے دوران 2,500روپے نقد اور دو موبائل فون بھی ضبط کیے گئے۔سی سی بی ٹیم نے گرفتار ملزمین اور ضبط کی گئی چیزیں مزید تحقیقات کے لئے کدری پولیس اسٹیشن کے حوالے کیں۔

چھاپہ ماری کی یہ کارروائی پولیس کمشنر ٹی آر سریش کی ہدایات اور ڈی سی پی ہنومنتھارایااوراوما پرشانت کی نگرانی میں انجام دی گئی۔