منگلورو:کال سینٹر کے ملازم نے ریلوے ٹریک پر کی خودکشی

Source: S.O. News Service | By Shahid Mukhtesar | Published on 12th February 2019, 12:01 AM | ساحلی خبریں |

منگلورو 11؍فروری (ایس او نیوز) مورگن گیٹ پر واقع ایمفیاسس نامی کال سینٹر میں ملازمت کررہے دیپک برکے (41سال) نامی شخص نے پڈیل میں ریلوے ٹریک پر لیٹ کر خود کشی کرلی ہے۔

موصولہ رپورٹ کے مطابق دیپک نے پولیٹکل سائنس میں پوسٹ گریجویشن کیا تھا۔ کچھ عرصے تک کالج میں لیکچرار کی ملازمت کرنے کے بعد اس نے آئی سی آئی سی آئی اور ٹاٹا اے آئی جی انشورنس کمپنیوں میں منیجر کے بطور بھی ملازمت کی تھی۔ گزشتہ سات سال سے وہ کال سینٹر میں کام کررہاتھا۔ وہ غیر شادی شدہ تھا اور اپنی بہن کے ساتھ پڈیل میں واقع ایک فلیٹ میں رہتاتھا۔

بتایاجاتا ہے کہ پچھلے کچھ عرصے سے وہ اپنی ڈیوٹی بھی باقاعدگی سے ادا نہیں کررہاتھا اور دوسروں کے بات چیت کرنا بھی کم کردیا تھا۔ ایسا لگتاتھا کہ وہ کسی گھمبیر مسئلے کا شکار ہوگیا ہے۔سنیچر کے دن دفتر میں چھٹی ہونے کی وجہ سے وہ پورا دن گھر پر ہی رہا ۔شام کے وقت اچانک اٹھااوراپناموبائل فون اور پرس ساتھ لے کر گھر سے نکل گیاتو پھر واپس نہیں لوٹا۔ پولیس کا خیال ہے کہ رات کے 9.30بجے کے قریب اس نے ٹرین کے سامنے لیٹ کر خود کشی کی ہوگی۔ کچلے ہوئے سر کے پاس اس کاموبائل فون پڑا ہواتھا جس سے پولیس نے اس کی شناخت کرلی اور اس کے گھر والوں کو اطلاع دی۔ابھی یہ معلوم نہیں ہوسکا ہے کہ دیپک نے ایسا انتہائی قدم کیوں اٹھایا۔ریلوے پولیس اسٹیشن میں کیس درج کرلیا گیا ہے۔

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔