منگلورو ایئر پورٹ روڈ پر بس اور ٹریکٹر کا تصادم۔1شخص زخمی
منگلورو7؍دسمبر (ایس او نیوز)ایئر رپورٹ روڈ پر بونڈیل کے قریب بس اور ٹریکٹر میں تصادم ہونے کی وجہ سے ایک شخص زخمی ہوگیا ۔ موصولہ رپورٹ کے مطابق بونڈیل چرچ کے پاس بس کے ٹکرانے سے ٹریکٹر الٹ کر بیچ سڑک پر گرگیا۔لیکن معجزاتی طور پر ٹریکٹر ڈرائیورشیوا نندا(30سال) معمولی طور پر زخمی ہوا، جبکہ ٹریکٹر کو بہت بھاری نقصان پہنچا ہے۔
عینی شاہدین کا کہنا ہے کہ ایئر پورٹ روڈ پر بہت زیادہ تیز رفتاری کے ساتھ چلائی جارہی موٹر گاڑیوں سے اس علاقے میں حادثے ہونا روزانہ کا معمول ہوگیا ہے، اور متعلقہ افسران اس کی روک تھام کے لئے ٹھوس اقدامات کی طرف دھیان نہیں دے رہے ہیں۔کدری پولیس اسٹیشن کے افسران نے موقع پر پہنچ کر معائنہ کیا اور کیس درج کرلیا ہے۔
