ٹرین میں نشیلے بسکٹ کھلاکر مسافر کو لوٹ لیا گیا
منگلورو 30؍ اگست (ایس او نیوز)ریل پر سفر کے دوران نشیلے بسکٹ یا دوسری چیزیں کھلا کر مسافروں کو لوٹے جانے کے واقعات اکثر و بیشتر ہوجاتے ہیں۔ میڈیا کے ذریعے اس سلسلے میں رپورٹنگ کے باوجود لوگ بھولے پن میں ساتھی مسافروں کے جھانسے میں آہی جاتے ہیں اور ایسے واقعات بار بار دہرائے جارہے ہیں۔
تازہ واقعہ میں لوٹ کا شکار ہونے والے شخص کا نام وٹّل کا رہنے والاکلفّورڈ ویگاس ہے۔ جو ممبئی میں اپنی بیوی کو رشتے داروں کے یہاں چھوڑنے کے بعد اپنے گاوں آنے کے لئے مستیا گندھا ایکسپریس سے سفر کررہاتھا۔جب ٹرین منگلورو پہنچی تو ساتھی مسافروں نے اس کو جگانے کی کوشش کی مگر وہ بے ہوشی کے عالم میں پڑا ہوا پایا گیا۔اس کے بعد پولیس کو اطلاع دی گئی تواس نے موقع پر پہنچ کر جائزہ لینے کے بعد ویگاس کو وینلاک اسپتال میں داخل کروایا۔پھر اس کے رشتے داروں نے اسے وہاں سے پرائیویٹ اسپتال میں منتقل کیا ہے۔ مگر پتہ چلا ہے کہ ویگاس ابھی تک پوری طرح ہوش میں نہیںآیا ہے اور وہ واضح طور پر یہ بتانے کی حالت میں نہیں ہے کہ اصل میں اس کے ساتھ کیا واقعہ پیش آیاہے۔اس لئے ابھی اس ضمن میں ایف آر آئی درج نہیں کی گئی ہے۔
گمان کیا جاتا ہے کہ کہیں رات کے وقت کھانا کھانے سے پہلے 9.30اور11بجے کے درمیان شاید لٹیروں کے گروہ میں شامل کسی آدمی نے ویگاس کو نشیلے بسکٹ کھلائے ہونگے اورجب وہ پوری طرح نیندمیں ڈوب گیا ہوگا تو اس وقت اسے لوٹ لیا ہوا ہوگا۔