صبح کی چہل قدمی کرنے والے پر قاتلانہ حملہ
منگلورو22؍اکتوبر(ایس او نیوز) اپنی عادت کے مطابق صبح کے وقت چہل قدمی کے لئے نکلنے والے کارتھک نامی شخص پر کوناجے کے مقام پر نامعلوم حملہ آوروں نے قاتلانہ حملہ کیا۔
سڑک کے کنارے تلواروں سے کیے گئے اس حملے کی وجہ سے کارتھک کے سر پر شدید چوٹیں آئی ہیں، جسے علاج کے لئے اسپتال میں داخل کیا گیا ہے۔ کہتے ہیں کہ چہل قدمی کرتے ہوئے کارتھک روزانہ اپنے دوست سے جاملتا اور وہاں سے بائک پر جمنازیم میں چلا جایا کرتا تھا۔حسب معمول جب وہ گنیش محل کے قریب پہنچا تھا کہ اس پر قاتلانہ حملہ کیا گیا ۔ فی الحال اس حملے کی کوئی وجہ معلوم نہیں ہوئی ہے اور حملہ آوروں کی شناخت بھی نہیں ہوئی ہے۔البتہ پولیس نے معاملہ درج کرنے کے بعد تحقیقات شروع کردی ہے۔