منگلورو3؍فروری (ایس او نیوز) منگلورو انٹر نیشنل ایئر پورٹ کے کسٹم افسران نے سونا اسمگل کرنے کی 2کوششیں ناکام کردیں اور 475.36گرام سونا ضبط کرلیا جس کی مالیت کا اندازہ 15,81,000روپے لگایا گیا ہے۔

پہلے معاملے میں بیرون ملک سے لایا گیا 24کیرٹ کا 358.78گرام سونا ضبط کیاگیا، جس کی مالیت 11.93لاکھ روپے بتائی جاتی ہے۔ یہ سونا دبئی سے آنے والے ایک مسافر کے چیک ان بیگیج میں پیپر( فوئل) کی شکل میں موجود تھا۔جبکہ دوسرے معاملے میں 24کیرٹ سونے کا بسکٹ برآمد کیا گیا جس کا وزن116.580گرام تھا اور اس کی مالیت کا اندازہ 3.88لاکھ روپے لگایا گیا ہے۔ معلوم ہوا ہے کہ یہ سونا مسافر نے اپنے مقعد میں چھپارکھا تھا۔