منگلورو:زکوٰۃ چارٹیبل ٹرسٹ کے زیرا ہتمام 1800طلبا میں 1کروڑر وپئے کے وظائف تقسیم :ریاست میں 3.5کروڑروپئے کی تقسیم
منگلورو:15/جنوری (ایس او نیوز) کرناٹکا زکوۃ چارٹیبل ٹرسٹ کی جانب سے دکشن کنڑا اور اُڈپی اضلاع کے پی یو سی، ڈگری اور پی ایچ ڈی کے 1800 ہونہار طلبا کے درمیان قریب 1کروڑ روپئے کے طلبا وظائف کی تقسیم کاری کا پروگرام شہر کے لوئیلا ہال میں منعقد ہوا۔
پروگرام میں چارٹیبل ٹرسٹ کے صدر اور مینجنگ ٹرسٹی خلیل احمد نے طلبا وظائف کے متعلق جانکاری کی تفصیلات دیتے ہوئے بتایا کہ اس مرتبہ پوری ریاست سے 7000طلبا نے درخواست دی تھی ، جس میں 6000طلبا کی درخواستوں کو قبول کرتے ہوئے 3.5کروڑروپئے کے طلبا وظائف کو تقسیم کیا گیا۔ گذشتہ سال ریاست میں 5600طلبا میں وظائف کی تقسیم کی گئی تھی ، لیکن اس مرتبہ طلبا کی طرف سے زیادہ درخواستیں حاصل ہونےکی وجہ سے وظائف میں 15فی صدکااضافہ کرنے کی جانکاری دی۔ پروگرام میں تلنگانہ ریاست کے موظف ڈی آئی جی، آئی جی پی اے کے خان نے مسلمانوں کی تعلیمی صورت حال پرروشنی ڈالی۔ گلفار انجنیئرنگ کے بانی صدر پی محمد علی نے بھی طلبا سے مخاطب ہوتے ہوئے کہاکہ وہ ملک اور سماج کے لئے ہمیشہ بہتر بنیں۔ بیاریس گروپ آف انسٹی ٹیوٹنس کے صدر سید محمد بیاری ، سگما فاؤنڈیشن کے امین مدثر، این آرآئی سوبو کوٹا، کرناٹکا زکوۃ چارٹیبل ٹرسٹ کے شاہد علی خان، مجاہد فاروقی ، بیاریس چیمبر آف کامرس اینڈ انڈسٹریز کے صدر ایس ایم رشید حاجی وغیرہ موجود تھے۔