کوناجے /منگلورو:22/اپریل(ایس اؤنیوز)22اپریل کی صبح کوتار علاقے میں 3ہوٹل مزدورآپس میں چھری سے لڑائی کرنے کے نتیجےمیں شدید زخمی ہوا ایک مزدور علاج کارگرنہیں ہونے کی وجہ سے اسپتال میں فوت ہونے کی اطلاعات موصول ہوئی ہیں۔ مہلوک کی شناخت بہار کے نتیش بتائی گئی ہے۔
آپسی لڑائی جھگڑے میں اور ایک زخمی ہوا مزدور پردیپ دیرل کٹے کے اسپتال میں زیر علاج ہے، چھری سے حملہ کرنے والا اڑیسہ کا طاہر (عارف خان )بتایا گیا ہے۔ موصولہ اطلاعات کے مطابق کوتارو علاقے کے شانتی باگ کے قریب والے ایک ہوٹل میں 22اپریل کی صبح یہ واردات ہوئی ہے،تینوں شمالی ہندوستان سے تعلق رکھتے ہیں اور ہوٹل میں مزدوری کرتے ہیں، نتیش، پردیپ اور طاہر کے درمیان صبح میں جھڑپ ہونے کی بات کہی جارہی ہے، اس موقع پر نتیش اور پردیپ پر ملزم طاہر چھری سے حملہ کرنے کی جانکاری پولس کو دی گئی شکایت میں درج کی گئی ہے۔ حملہ کا شکا رہوئے نتیش کو نازک حالت میں اسپتال میں داخل کیا گیا ، لیکن وہاں علاج کارگر نہیں ہونے کی وجہ سے وہ ہلاک ہونے کی بات کہی جارہی ہے،معاملے کو لے کر اُلال پولس تھانے میں کیس درج ہواہے، ملزم کی تلاش جاری ہے۔