منگلورو:کسانوں کا مفاد بہت اہم ، سیاسی پارٹی قیام وقت کی ضرورت
منگلورو:30/اگست(ایس او نیوز)محنت و مشقت کے ذریعے کسان جس فصل کو اگاتے ہیں اس کو صحیح قیمت نہیں ملتی ، مناسب مارکیٹ کا انتظام نہیں ہے ، ان حالات کو دیکھتے ہوئے کسانوں کے مفاد کی خاطر ایک سیاسی پارٹی کا قیام ضروری ہوجانے کی بات کرناٹکا رئیت سنگھ اور ہسیروسینے کے ریاستی نائب صدر جی ٹی رام سوامی نے کی۔
سپاری ، ناریل اور ربر کے تحفظ کی مانگ لے کر کرناٹکا رئیت سنگھ اور ہسیرو سینے دکشن کنڑا کی قیادت میں دکشن کنڑا ڈی سی دفتر کے روبرو اہتمام کئے گئے احتجاج میں وہ خطاب کررہے تھے۔ جائے احتجاج پہنچ کر ڈی سی جگدیش نے کسانوں سے اپیل وصول کی۔ اس موقع پر کسان لیڈر روی کرن پونچ، روپیش رائی ، منجوناتھ رائی، سریش بھٹ، سیتارام، ابراہیم، پرشانت شٹی ، ردریش گوڈا وغیرہ موجود تھے۔ احتجاج سے پہلے کسانوں نے احتجاجی ریلی نکالی۔