منگلورو:15/جنوری  (ایس او نیوز) شبری میلے سے لوٹنے کے دوران ائیپا سوامی کے بھگتوں کی کار اچانک آگ کی لپیٹ میں آجانے سے پریشان بھگت بے سہار ا ہوکر کسی کی مدد کے انتظار میں کھڑے تھے جس کے دوران ریاستی کابینہ کے وزیر اغذیہ یوٹی قادر جب وہاں سے گذر رہے تھے تو اُن کو دیکھ کر اُن کی مدد کے لئے دوڑ پڑے۔ یہ واقعہ مینگلور کے پمپ ویل میں جمعہ کو پیش آیا ۔

ذرائع سے ملی اطلاع کے مطابقدھارواڑ ضلع کندگول تعلقہ کے ائیپا سوامی کے بھگت انڈیکاکار پر سوار شبری میلے گئے ہوئے تھے، وہاں پوجا پاٹ کرنے کے بعد جب وہ دھرمستھل  لوٹ رہے تھے تو شہر کے پمپ ویل ۔ ننتور کے درمیان ان کی کار میں اچانک آگ لگ گئی او ر دیکھتے ہی دیکھتے کار آگ کی پوری چپیٹ میں آگئی ، اسی دوران اسی راستے سے گزررہے ریاستی کابینہ کے وزیر اغذیہ یوٹی قادر فوری طورپر اپنی کار اس طرف لے گئے  اور اپنیکار میںموجود پانی سے پھروہاں موجود مٹی سے آگ بجھانے کی کوشش کی، بعد میں  فائر برگیڈ نے آگ پر قابو میں پالیا ۔ اس موقع پر بے سہارا  بھگتوں کو یوٹی قادر نے کھانے پینے کا انتظام کرنے کے لئے علاوہ انہیں ہبلی تک جانے کے لئے رقم کا بندوبست کیا اورسرکاری بس کے ذریعے انہیں شہر بھیجنے کا انتظام کیا۔اس موقع پر وزیر کے ساتھ این ایس کریم، سریش، رفیق، جوسف، سراج، جبار وغیرہ موجود تھے۔

خیال رہے کہ ایسے کئی ایک واقعات ہیں جہاں یوٹی قادر نے عام لوگوں کی مدد کے لئے پہنچ کر ان کا تعاون کیاہے۔بتایا جاتا ہے کہ یو ٹی قادر صاحب وزیر بننے سے پہلے بھی سڑک حادثات کے موقعوں پر جھٹ سے موقع واردات پر پہنچ کر مریضوں کو اسپتال پہنچایا کرتے تھے اور اُن کی ہر ممکن مدد کرتے تھے۔