منگلورو:3/ جنوری (ایس اؤنیوز)کاٹی پالیا سرکل کے قریب شرپسندوں نے ایک نوجوان کو قتل کئے جانے کا واقعہ منگل کی دوپہر کو پیش آیا ہے۔ مقتول کی شناخت کئی کمبا کے مکین دیپک راؤ(32) بتائی گئی ہے۔ قتل کی خبر پھیلتے ہی شرپسندوں نے ایک نجی بس پر پتھراؤ کرتے ہوئے حالات کو کشدہ کرنے کی کوشش کی ہے ۔پولس جائے وقوع پہنچ کر حفاظتی انتظامات میں مصروف ہونے کی اطلاعات موصول ہوئی ہیں۔
موصولہ اطلاعات کے مطابق دیپک ایک سم کارڈ تقسیم کرنے والی خانگی کمپنی میں ملازم تھا، مقامی طورپر سنگھ پریوارکے بجرنگ دل سے منسلک ہونے کی بات کہی جارہی ہے۔ منگل کی دوپہر 2بجے دیپک اپنی بائک کے ذریعے کرشنا پور ۔ کاٹی پالیا روڈ کے ذریعے روانہ تھا، اسی دوران ایک کار اس کا پیچھا کرتے ہوئے آئی کاٹی پالیا سے دور ہی اس کی بائک کو روک کر شرپسندوں نے ہتھیاروں سے حملہ کرنے کی پولس ذرائع نے خبردی ہے۔ جس کے نتیجے میں دیپک راستے پر پڑاتھا شہر کے نجی اسپتال کو لے جایا گیا مگر اس کی موت ہوچکی تھی۔ قتل معاملے کو لے کر سورتکل تھانہ پولس جائے وقوع کا معائنہ کرنے کے بعد جانچ کررہی ہے۔ دیپک کی نعش شہر کے خانگی اسپتال کے مردہ خانےمیں رکھی گئی ہے۔ شہری پولس کمشنر ٹی آر سریش ، اے سی پی اُدئیے نایک اپنے عملے کے ساتھ اسپتال کو ملاقات کئے ہیں۔