منگلورو :حملوں اور فرقہ وارانہ فسادات کے لئے آر ایس ایس کی حمایت : پی وی موہن
منگلورو:16/جون (ایس اؤنیوز)کلڈکا فساد کے سلسلے میں کانگریس پارٹی کی حمایت کرنے والے اقلیتی طبقہ کو نشان زد کرتے ہوئے انہیں ڈرا دھمکا کر ، ان پر حملہ کرکے فسادات کے لئے آرایس ایس مشتعل کرنے کا اے آئی سی سی ممبر پی سی موہن نے الزام لگایا ۔
کلڈکا چاقو حملہ معاملے کو فرقہ وارانہ رنگ دےکر عوام میں جذباتیت کو بڑھاوادے کر دونوں اضلا ع میں فرقہ وارانہ آگ بھڑکانے ، امن میں خلل پیدا کرنے اور ریاستی حکومت کانام بدنام کرنے کے لئے آر ایس ایس اور بی جے پی کوشش کررہے ہیں۔ کانگریس پارٹی کی مانگ ہے کہ فسادات کو بھڑکانے اور اس کا پس پردہ تعاون کرنےو الوں کو بغیر کسی رو رعایت کے فوری طورپر گرفتار کرنے کا مطالبہ کرتی ہے۔ کلڈکا میں بار بار فسادات بھڑکائے جارہے ہیں، آر ایس ایس لیڈر کلڈکا پربھا کر بھٹ کے زہریلے اور اشتعال انگیز بھاشنوں کا دربار ہے ، جس کے لئے وہ اپنے تعلیمی ادارے کا استعمال کررہے ہیں، ان پر سنگین الزام ہے کہ ضلع میں جو بھی فسادات ہوتے ہیں اس میں ان کا ہاتھ ہوتاہے، ان کو گرفتار کرکے جانچ کرنے کی پی وی موہن نے پریس ریلیز کے ذریعے مانگ کی ہے۔
پی وی موہن کی طرف سے جاری پریس ریلیز میں کہاگیا ہے کہ ضلع میں امن کو بحال رکھنا ہے تو سب سے پہلے اقلیتوں میں اعتماد ، حوصلہ پیدا کرنے کا کام کریں، دستور کے مطابق اقلیتوں اور مظلوم طبقات کی حفاظت کو یقینی بنائیں، پولس پر بھی تعصب برتے جانے کا الزام ہے ، معصوموں کو فوری رہا کیا جائے، خاتون پولس کا استعمال کئے بغیر آدھی رات کو گھروں میں گھس کر عورتوں کو ہراساں کرنے والے پولس اہل کاروں کو معطل کرنے کا مطالبہ کیا ہے۔ مرکزی حکومت کی غلط معاشی پالیسیوں کی وجہ سے عوام میں بے چینی پائی جارہی ہے ، نوٹ بندی سے عوام کنگال ہوگئے ہیں۔ بی جے پی سماج کو تقسیم کرکے حکو مت کرنے کی پالیسی پر عمل پیرا ہے، اس وقت ضلع میں جو کچھ ہورہاہے وہ سب ووٹ بینک کے پس منظر میں کیا جارہاہے اور اسی کے لئے فسادات برپا کئے جارہے ہیں۔ نام نہا د دیش بھگتی کے سہارے نوجوانوں کو غلط راہوں پر لے جایا جارہاہے، کانگریس پارٹی سیاسی طورپر اس کا دندان شکن جواب دے گی ، ضلع میں امن کو بحال رکھنے کے لئے اپنی جدوجہد جاری رکھنے کی بات کہی ہے۔