منگلورو کے دیرل کٹے علاقے کے کنوؤں میں پٹرولیم کے ذرات: پانی میں آگ بھڑکنے کے واقعات

Source: S.O. News Service | By Abu Aisha | Published on 9th November 2018, 6:02 PM | ساحلی خبریں |

منگلورو:9؍نومبر (ایس او نیوز) گزشتہ تین دنوں سے  کنوؤں کے پانی میں آگ لگنے کاعجب واقعہ بیلمے گرام پنچایت  حدود کے دیرل کٹے کے قریب کانکیرے نامی مقام پر پیش آرہا  ہے۔ پینے کے پانی میں آتشی ذرات کی موجودگی سے علاقہ کے عوام حیرت میں ہیں۔

موصولہ اطلاعات کے مطابق کانکیرے مقام کے  فی الحال 4کنوؤں کے پانی میں پٹرولیم کے ذرات پائے جانے کا شبہ جتا گیا ہے۔ کانکیرے ایک رہائشی علاقہ ہے، یہاں بہت سارے کھلے کنوئیں ہیں، جن میں سے چار کنوؤں میں پٹرول کی بو آرہی ہے ، پانی میں آگ لگائیں تو سلگ جاتی ہے، ان حالات سے علاقہ کے مکینوں میں خوف پایا جارہاہے۔ گزشتہ چار دنوں سے یہ معاملہ چل رہاہے مگر کوئی اس پر توجہ دینے تیار نہیں ہے۔ منگل کی رات گرام  پنچایت ممبر عبدالرزاق نے کنوؤں کے پانی کی جانچ کی تو پتہ چلا ہے۔ بدھ کے دن فائر برگیڈ کو بھی اطلاع پہنچائی گئی ہے۔کہا جارہاہے کہ فائر برگیڈ والے بھی اس پر توجہ نہیں دینے کی مقامی لوگوں نے شکایت کی ہے۔

پٹرول بنک سے مسئلہ ؟:کانکیرے مقام  ایک نشیبی علاقہ ہے ۔ اونچائی پر موجود دیرل کٹے بیلمے گرام پنچایت کے قریب ہی ایک پٹرول بنک ہے۔ جس کے متصل  نشیبی علاقے کانکیرے میں کئی رہائشی مکانات ہیں۔ چند برس پہلے پٹرول پمپ کی حفاظتی دیوار ٹوٹنے سے پٹرول ٹینک کو نقصان پہنچا تھالیکن مقامی لوگوں کا الزام ہے کہ  درستی کے بعد بھی پٹرول کا رسنا جاری تھا۔اس سلسلے میں گرام پنچایت ممبر عبدالرزاق کا کہنا ہےکہ مسئلہ پیدا ہونے کے بعد خود پٹرول بنک والوں نے کنوؤں کے پانی کی جانچ کی اور مانا کہ پانی میں پٹرولیم کے ذرات  ہیں اس کے باوجود ان کا کہنا ہے کہ  اس مسئلہ سے ہمارے پٹرول بنک کاکوئی تعلق نہیں ہے ۔

ایک نظر اس پر بھی

ملپے سے گم شدہ ماہی گیر کشتی معاملہ میں نیا موڑ: نیوی کے افسران نے مانا کہ جنگی جہاز سے ہواتھا کشتی کا تصادم

مہاراشٹرا میں سندھو درگ کے قریب سمندر میں ماہی گیری کے دوران مچھیروں سمیت لاپتہ ہونے والی کشتی ’سوورنا تریبھوجا‘ کے تعلق سے اب ایک نیا موڑ سامنے آیا ہے اور تحقیقاتی افسران کو یقین ہوگیا ہے کہ اس ماہی گیر کشتی کی ٹکر بحریہ کے ایک جنگی جہاز’آئی این ایس کوچی‘ سے ہوئی اور ماہی ...

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

دارالعلوم اسلامیہ عربیہ تلوجہ میں علمائے شوافع کی جانب سے فقہی سمینار کا انعقاد ؛ علماء فقہائے شوافع نے حقیقتاً حدیث اور فقہ میں بہت نمایاں کام کیاہے: خالد سیف اللہ رحمانی 

بروز سنیچر 19؍ جنوری مجمع الامام الشافعی العالمی کی جانب سے دو روزہ پہلے فقہی سمینار کا آغاز کیا گیا اس سمینار کا افتتاحی جلسہ صبح 10؍ بجے جامعہ دارالعلوم اسلامیہ عربیہ تلوجہ ممبئی میں منعقد کیا گیا

بھٹکل: ریاست کے مشہور سد گنگامٹھ کے شری کمار سوامی جی کی وفات پر رابطہ ملت اترکنڑا کا اظہار تعزیت

ریاست کے قدآور ، معروف سد گنگا مٹھ کے شری کمار سوامی جی کے دارِ فانی سے کوچ کر جانے پر رابطہ ملت اترکنڑا ضلع کے عہدیداران نے اظہار تعزیت کرتے ہوئے کہا ہے کہ سوامی جی ملک کی ایک قوت کی مانند تھے۔

گنگولی کے آراٹے ندی میں غرق ہوکر لاپتہ ہونے والے ماہی گیر کی نعش آج برآمد

یہاں آراٹے ندی میں غرق ہوکر کل رات ایک ماہی گیر لاپتہ ہوگیا تھا، جس کی نعش آج متعلقہ ندی سے برآمد کرلی گئی ہے۔ ماہی گیر کی شناخت آراٹے کڑین باگل کے رہنے والے  کرشنا موگویرا (50) کی حیثیت سے کی گئی ہے۔

کنداپور میں ہوئی چوری کی واردات کے بعد پولس نے گھر میں نوکری کرنے والے میاں بیوی کوکیا گرفتار

کنداور دیہات کے سٹپاڑی کے ایک گھرمیں ہوئی  چوری کے معاملے میں کنداپور دیہی پولس نے فوری کارروائی کرتے ہوئے اسی گھر میں کام کرنےو الے میاں بیوی کو صرف دو دنوں میں ہی گرفتار کر کے معاملے کو حل کرنے میں کامیابی حاصل کرلی  ہے۔