منگلورو :21/ستمبر(ایس اؤ نیوز) منگلورو جنوبی زون کے اے سی پی ، جنوبی زون راؤڑی نگراں دستہ کے ساتھ مشترکہ طورپر کنکناڑی شہری پولس تھانہ حدود کے پڈیل جنکشن اور پمپ ویل قومی شاہراہ پر سواریوں کی تلاشی کے دوران غیر قانونی طورپر ریت سپلائی کرنےو الی لاریوں کا پتہ چلنے پر سواریوں کو ضبط کرنے کا واقعہ پیش آیا ہے۔

دوران تلاشی پولس کو لاریوں میں ریت نظر آئی ، جس پر پولس عملے نے متعلقہ دستاویزات  طلب کی ، مگر وہاں کوئی دستاویزات نہ  ہونے سے غیر قانونی طورپر ریت سپلائی کا معاملہ سامنے آیا۔ جس کے فوری بعد پولس نے ریت سمیت ٹپر لاریوں کو ضبط کرلیا۔ ضبط کی گئی ٹپر لاریوں کی مالیت 50،00،000روپئے بتائی گئی ہے۔ پولس نے آگے کی کارروائی کے لئے معاملہ محکمہ اراضی و کان کنی منگلورو کو منتقل کئے جانے کی اطلاعات موصول ہوئی ہیں۔

منگلورو کے پولس کمشنر کی ہدایت ، ڈی سی پی (کرائم برانچ) کی رہنمائی میں منگلورو جنوبی زون کے اے سی پی کے رام راؤ ، راؤڑی  نگراں دستہ کا عملہ اور کنکناڑی شہری پولس تھانہ افسر اور عملہ کارروائی میں شریک تھے۔