منگلورو: اڈیار وغیرہ میں غیر قانونی ریت کے اڈے :5لاکھ روپیوں کی ریت ضبط
منگلورو :13/ستمبر(ایس اؤ نیوز) شہر کے نواحی علاقے ولیچیل ، اڈیار ، ارکولا کی نجی زمین پر غیر قانونی طورپر ذخیرہ کردہ ریت کے اڈے کا پولس نے جمعرات کو پتہ لگاتے ہوئے پانچ لاکھ سے زائد روپئے مالیت کی ریت ضبط کرلینے کا واقعہ پیش آیا ہے۔
منگلورو جنوبی معاون زون کے اے سی پی رام راؤ کی قیادت والی پولس ٹیم جنوبی معاون علاقے کے راؤڑی نگراں دستہ اور منگلورو دیہی پولس تھانہ افسر اپنے عملے کے ساتھ چھاپہ مار کر قریب 780ٹن (78)ریت کو ضبط کر لیا ہے۔ ضبط شدہ ریت کی مالیت 5لاکھ روپئے بتائی جارہی ہے۔
مصدقہ اطلاع پر کارروائی کرتے ہوئے ولچیل ، اڈیار، ارکولا پر چھاپہ مارکر پولس نے غیر قانونی ریت اڈے کو ڈھونڈنکالنے کے بعد محکمہ کان کنی اور اراضی کے افسران کو جانکاری دی۔ یہ ریت کسی کی ہے،کسی مقصد سے جمع کی گئی ہے ؟ یا پھر چوری کی گئی ہے اس تعلق سے پولس جانچ میں جٹی ہوئی ہے۔ اگلی کارروائی کے لئے ریت ذخیرے کو پولس نے محکمہ اراضی کو منتقل کی ہے۔