منگلورو :18/جون (ایس اؤنیوز)اگر کلڈکا فساد کے لئے کلڈکا پربھا کر بھٹ اہم وجہ ہیں تو ابھی تک گرفتاری ہوجانی چاہئے تھی ، کلڈکا پربھاکر بھٹ کو گرفتارکرنے کے بجائے صرف اخباری بیانات دے کر عوام کو بے وقوف بنایا جارہاہے۔ گرفتاری کے لئے مناسب ثبوت ہیں تو اس سلسلے میں وزیر صاحب پولس افسران کو ہدایات جاری کرتے تو وہ اپنے اختیارات کا غلط استعمال نہیں ہے تو پھر کیوں اس معاملے میں ٹال مٹول سے کام لیا جارہاہے ۔ جے ڈی ایس کے ریاستی صدر کمار سوامی نے منگلورو میں پریس کانفرنس میں حالیہ کلڈکا فساداور دیگر معاملات پر برسر اقتدار پارٹی کانگریس اور نگراں کار وزیر کو گھیرتے ہوئے مجرم کے کٹہرے میں کھڑا کرنے کی کوشش کی۔
کمار سوامی نے کہاکہ اگر کسی کی بغیر کسی وجہ کی گرفتاری ہوتی ہے تو ماناجاسکتاہے کہ وہ اپنے اختیارات کا غلط استعمال ہے، کلڈکا فساد معاملے میں ثبوت ہیں تو فوری طورپر کارروائی ہونی چاہئے تھی اس میں پس وپیش کئے جانے پر سوال اٹھایا۔
کمار سوامی نے پریس کانفرنس میں کلڈکا میں لگاتار امن میں خلل ڈالنے اور فساد کے لئے مرکزی حکومت میں اقتدار پر قابض بی جے پی اور ریاستی اقتدار والی کانگریس دونوں برابر کے ذمہ دار ہیں۔ ضلع میں جب جب انتخابات کا دور ہوتاہے فرقہ وارانہ فسادات کا ماحول پیدا کرنے کے لئے دونوں قومی پارٹیاں میاچ فکسنگ کی طرح کام کرتی ہیں۔ برسر اقتدار پارٹیوں کی ذمہ داری ہوتی ہے کہ وہ عوام کی حفاظت کریں، لیکن اس معاملے میں اقتدار والی پارٹیاں بری طرح ناکام ہیں۔ ضلعی انتظامیہ کی ذمہ داری بنتی ہے کہ وہ رمضان میں عوام کو تکلیف دینےو الے واقعات ہونے نہ دیں۔ فساد کے لئے جوبھی ذمہ دار ہے اس کے خلاف کٹھن کارروائی کرے اور بدامنی کو جگہ نہ دینے کا کمار سوامی نے مطالبہ کیا۔ پریس کانفرنس میں جے ڈی ایس کے ریاستی نائب صدر امر ناتھ شٹی ، جنرل سکریٹری بی ایم فاروق، بوجے گوڈا، ایم بی سداشیو، وسنت پجاری ، دھن راج ، اکشت سورنا وغیرہ موجود تھے۔