منگلورو:گانجہ سپلائی کرنےو الا ملزم رنگے ہاتھوں گرفتار
منگلورو:21/جولائی (ایس اؤنیوز)ریاست کیرلا سے شہر کو گانجہ سپلائی کرنےو الے گروپور ،کوٹاریگوڈے کے جمال (35)کو سی سی بی پولس نے گرفتار کرنے کے بعد ملزم سے گانجہ اور بائک ضبط کرلی ہے۔
جمعرات کو ہوسنگڈی کے قریب اُپلا سے بائک کے ذریعے گانجہ سپلائی کرنے کی مصدقہ خبر پر کارروائی کرتےہوئے سی سی بی پولس نے تلپاڑی ٹول گیٹ پر ملزم کو گانجہ سمیت گرفتارکرلیا ہے۔ ملزم سے 2کے جی گانجہ ، ہونڈا ایکٹیوا سواری ، موبائیل فون ضبط کرلئے گئے ہیں جن کی اندازاً قیمت 1.05لاکھ روپئے لگائی گئی ہے۔ ملزم 2000ء میں کے سی روڈ پر ہوئے دہرے قتل ، منگلورو دیہی پولس تھانہ حدود میں پتو باوا قتل معاملے میں ملزم گردانا گیا ہے۔ اس کے علاوہ ملزم پر قتل کرنے کی کوشش کا الزام بھی عائد ہے۔ شہری پولس کمشنر ٹی آر سریش کے حکم پر لاء اینڈ آرڈر شعبہ کے ڈی سی پی کے ایم شانتاراجو اور کرائم برانچ، ٹرافک برانچ کے ڈی سی پی ہنومنت رایا اور اے سی پی ویلنٹائن ڈیسوزا کی رہنمائی میں سی سی بی انسپکٹر سنیل نائک اور پی ایس آئی شیام سندر نے اپنے عملے کے ساتھ یہ کارروائی انجام دی ہے۔