منگلورو: بحرین کو 4کے جی گانجہ سپلائی کے دوران ملزم گرفتار :ایک لاکھ روپئے مالیت کا گانجہ ضبط
منگلورو:20/ اکتوبر (ایس اؤنیوز) منگلورو بین الاقوامی ہوائی اڈے پر بحرین جانےو الے ایک مسافر کو کسٹم افسران گانجہ رکھنے کے الزام میں گرفتار کرنےکا واقعہ جمعہ کی صبح پیش آیاہے۔
ملزم کی شناخت بڈاجے منجیشور کے ابھیلاش پردیش سورنا(20) بتائی گئی ہے۔ ملزم سے قریب 1لاکھ روپئے مالیت کے 4کے جی گانجہ ضبط کرلیا گیا ہے۔ ابھیلاش صبح 20-07کو ائیر انڈیا 889ہوائی جہاز کے ذریعے دبئی کو سفرکرنے والا تھا، اس سے قبل مسافرو ں کی جانچ کی گئی تو ابھیلاش کے بیاگ میں گانجہ پائے جانےکی اطلاعات موصول ہوئی ہیں۔ ملزم کو بجپے پولس تھانہ منتقل کیاگیاہے۔پولس ذرائع نے خبردی ہے کہ پولس سے پوچھ تاچھ کے دوران ملزم نے ریاست کیرلا کے کوٹکل کا ایک شخص اس کو گانجہ دینے کی بات بتائی ہے۔معاملے کو لےکر جانچ جاری ہے۔