کونکن ریلوے لائن پر بجلی لائن کے کام کی وجہ سے منگلورو ۔ مڈگاؤں ٹرین 23ستمبر کو نہیں چلے گی: دیگر ٹرینوں کے اوقات میں تبدیلی
منگلورو :22/ستمبر(ایس اؤ نیوز) کونکن ریلوے لائن کو بجلی لائن سے جوڑ نے کا کام شروع ہونے کی وجہ سے 23ستمبر کو منگلورو سنٹرل۔ مڈگاؤں ۔ منگلورو سنٹرل انٹر سٹی ایکسپرس ٹرین (نمبر 22636/22635) نہیں چلنے کی ریلوے ذرائع نے جانکاری دی ہے۔
متعلقہ دن انٹر سٹی ٹرین کے علاوہ منگلورو سنٹرل۔ممبئی متسیہ گندھا ایکسپرس ریل نمبر( 12620)2گھنٹے 25منٹ دیری سے یعنی سہ پہر 15-03کو چلے گی۔ اسی طرح مڈگاؤں۔ منگلورو سنٹرل پیاسنجر(نمبر 56641) انکولہ ریلوے اسٹیشن میں ایک گھنٹہ رکے گی۔ ایرناکولم ۔ نظام الدین منگلا لکش دیپ ایکسپرس (نمبر 12617)توکور ریلوے اسٹیشن پر 20منٹ رکے گی۔ نظام الدین ۔ تروننت پورم ایکسپرس (نمبر 22634)کنداپور ریلوے اسٹیشن پر 45منٹ اور جبلپور کوئمبتور خصوصی ایکسپرس (02198)انکولہ ریلوے اسٹیشن پر 70منٹ رکنے کی ریلوے ذرائع نے خبر دی ہے۔