منگلورو:27/فروری    (ایس او نیوز)حقیقی کانگریسی کبھی کسی حال میں بھی فرقہ پرستوں سے ہاتھ نہیں ملاتے ، نہیں ملانا چاہئے، دن میں کانگریس کے ساتھ رہ کر رات میں فرقہ پرستوں کے ساتھ دوستی کرنےو الوں کو دور رکھیں گے تو ہی پارٹی مضبوط ومستحکم ہونا ممکن ہونے کی بات دکشن کنڑا ضلع نگراں کار وزیر بی ، رماناتھ رائی نے کہی۔

شہر کے روہن کارپوریشن دفتر میں اتوار کو منگلور و دکشن بلاک کانگریس کی جانب سے ملک کے پہلے وزیر تعلیم مولانا ابوالکلام آزادکی 58ویں برسی کے موقع پر خصوصی طورپر منعقدہ ایگزکیٹیو میٹنگ میں وہ خطاب کررہے تھے۔ انہوں نے کہاکہ مرکز میں جب یو پی اے کی حکومت تھی اور اس وقت لئے گئے فیصلے جیسے آدھار ، راست نقد معاملات  اور ایف ڈی آئی ، ایندھن وغیرہ کی مخالفت کرتے ہوئے بی جے پی احتجاج کی تھی  تو کچھ کانگریسیوں نے بھی بی جے پی والوں کی ہاں میں ہاں ملائی تھی  ، اب این ڈی اے وہی کررہی ہے، کچھ کانگریس کے لوگ سنگھ پریوار کی تعریف کئے جانے کی بات کہتے ہوئے نقلی کانگریسیوں کی کڑی تنقید کی۔ انہوں نےکہاکہ میں نے سنگھ پریوار سے راست مقابلہ کرتے ہوئے 6مرتبہ جیت حاصل کی ہے۔ میں ان کے ڈائس کا انکار کرتاہوں ، ہمیں ان کا سایہ بھی نہیں چاہئے۔ کانگریس انگریزوں کےخلاف جدوجہد کرنے والی پارٹی ہے، تمام ذاتوں، طبقات، دھرموں کو ساتھ لے کر چلنے والی پارٹی کانگریس ہونےکی بات کہی۔ انہوں نے کانگریس کارکنوں کو بیدار کرتے ہوئے کہاکہ آج بی جے پی کچھ ایساماحول بنا رہی ہے اور اپنے آپ کو ایسا پیش کررہی ہے جیسے انہوں نےجنگ آزادی میں حصہ لیا ہو، اس کے خلاف کانگریس کارکنوں کو چوکنا رہتے ہوئے عوام میں بیداری لانے کی ضرورت پر زور دیا۔ جھوٹی باتوں کو عوام کو فریب دیاجارہاہے، کچھ لوگ سیاسی مفاد کی خاطر کچھ کرسکتےہیں، ان حالات میں ہمیں اپنی پارٹی کے استحکام کے لئے سخت جدوجہد کرنے کامطالبہ کیا۔ رکن اسمبلی جے آر لوبو نے میٹنگ کی صدارت کی ، کے پی سی سی ممبر کے ایس محمد مسعود ، سی اے رحیم موجود تھے۔ دکشن بلاک کے صدر کے بال کرشنا شٹی نے استقبال کیا تو روہیت الال نے نظامت کی ، چیتن بینگرے نے شکریہ اداکیا۔

میٹنگ میں حکومت کے مختلف منصوبہ جات اور اس کے نفاذ کے متعلق وزیر اعلیٰ کے میڈیا صلاح کار دنیش امین مٹو اور اقلیتی بورڈ کے صدر ایم اے عبدالغفور نے جانکاری دی تو پروفیسر راجارام تولپاڑی نے پارٹی کے مقاصد ، تنظیم کے متعلق  خطاب کیا۔