منگلورو:ایم پی شوبھا کرندلاجے کلڈکا شری رام تعلیمی ادارے کے لئے بھیک مانگنےکے بجائے اپنی جائیداد عطیہ کریں:رماناتھ رائی
منگلورو:18/اگست (ایس اؤنیوز) ایم پی شوبھا کرندلاجے کلڈکا شری رام تعلیمی ادارے کی ہائی اسکول کے لئے بھیک مانگنے کا ناٹک کرنے کے بجائے کمائی ہوئی اپنی جائیداد اسکول کو عطیہ کردیں تو اسکول کے لئے عرصہ دراز تک کام آئے گا۔ ان خیالات کا اظہار دکشن کنڑا ضلع نگراں کاروزیر بی ، رماناتھ رائی نے کیا۔
وہ یہاں ضلع کانگریس دفتر میں پریس کانفرنس کے دوران رکن پارلیمان شوبھا کرندلاجے کی طرف سے حال ہی میں تعلیمی ادارے کے لئے بھیک مانگنے والے بیان کو سیاسی ناٹک بازی کہتے ہوئے طنز کیا۔ رماناتھ رائی نے شوبھا کرندلاجے کو ایک عام خاتون ہونے کی بات کہتے ہوئے اب بہت بھاری جائیداد کی مالکہ ہونے کا الزام عائد کیا اور کہا کہ بھیک مانگ کر تعلیمی ادارے کا تعاون کرنے کے بجائے اپنی جائیداد سونپ دینے کی بات کہی۔
اپنے تعلق سے کہاکہ میں ایک امیر خاندان سے تعلق رکھتاہوں سیاست میں آنے سے پہلے ہی میں کافی امیر تھا لیکن سیاست میں قدم رکھنے کے بعدبہت کچھ کھونے کی جانکاری دی ۔ لیکن شوبھا کرندلاجے سیاست میں قدم رکھنے سے پہلے کتنی جائیداد رکھتی تھیں اور اب وہ کتنی ملکیت کی مالکہ ہیں اعلان کریں ، میں بھی اپنی جائیداد کو علانیہ ظاہر کردینے کی بات کہتے ہوئے کرندلاجے کو چیلنج کیا۔ایم پی کٹیل کا بیان سننے میں آیا ہے کہ میں اپنی اسکول میں پسماندہ طبقات کے بچوں کو مفت میں تعلیم دوں۔ انہیں معلوم ہونا چاہئے کہ میں نے خود ذاتی خرچ پر زمین خرید کر اسکول کا قیام کیا ہے، سرکاری زمین حاصل کی ہے نہ میرے اسکول کے اساتذہ کو سرکاری تنخواہ ملتی ہے۔ جب کہ کلڈکا کی اسکول کی زمین سرکاری ہے ، خیال رہے کہ بہت پہلے کانگریس حکومت نے ہی وہ زمین انہیں عطا کی ہے، وہ ایک امدادی اسکول ہے، سرکاری گرم کھانے کو جاری کرنے سے کلڈکا شری رام تعلیمی ادارہ انتظامیہ نے انکار کیا ہے۔
وشوہندو پریشد اور بجرنگ دل کی طرف سے پی ایف آئی پر پابندی عائد کرنے کے مطالبہ پر پوچھے گئے سوال پر انہوں نے کہاکہ ضلع میں چند قتل ہوئے ہیں، فسادات کے دوران ایک دو دن کے بعدامن وشانتی بحال ہوتی ہے، اس کے بعد سب کچھ بھول جاتے ہیں، موجودہ قتل معاملات میں دو بنیاد پرست تنظیمیں شامل ہیں، اشرف قتل معاملے میں ایک تنظیم ہے تو شرتھ قتل میں دوسری طرف والے ہیں، اب ان کی گرفتاری ہوچکی ہے۔ ضلع میں ان دونوں قتل معاملات سے پہلے قتل کی سازش کس نے رچی تھی اس کی جانچ کرنا ہے ، میں ہمیشہ سکیولرزم پر یقین رکھتا آیا ہوں۔ بنیاد پرستی اور فرقہ پرستی کی ہمیشہ مخالفت کرتارہاہوں، دونوں تنظیمیں میرا استعفیٰ مانگنے کی بات کہتے ہوئے مسکرادئیے ۔