منگلورو:28/مئی (ایس اؤنیوز)قتل کی کوشش کئے جانے والے معاملےمیں ملزم گردانے گئے احمد قریشی پر پولس ظلم کے الزام کی جانچ کر رہی سی آئی ڈی کی ٹیم 25اور26مئی کو منگلورو پہنچ کر دوبارہ تفتیش کرنےکی اطلاعا ت موصول ہوئی ہیں۔
25مئی کی صبح شہر پہنچی سی آئی ڈی ٹیم قریشی سمیت گواہوں سے بھی پوچھ تاچھ کی۔ اس موقع پر قریشی نے جن مقامات کی نشاندہی کی تھی سی آئی ڈی کی ٹیم نے ان مقامات کا معائنہ بھی کیا۔ اسی دوران سی آئی ڈی نے ان جگہوں کی بھی وڈیو ریکارڈنگ کی جہاں قریشی کو پولس نے خفیہ طورپر چھپا کررکھا تھا، یعنی قریشی نے سی آئی ڈی افسران کو سومیشور بیچ کے قریب ایک گھر اور ننتور کے فلاٹ کی طرف اشارہ کرتے ہوئے انہیں دکھایا تو سی آئی ڈی افسران نے دونوں جگہوں کی وڈیو ریکارڈنگ کرنے کی جانکاری قریشی کے وکیل دنیش ہیگڈے نے دی۔ اسی طرح انہوں نے بتایا کہ معاملے کو لے کر حقوق انسانی کمیشن بنگلورو کی طرف سے بھی سنیچر کو احمد قریشی ، اس کے بھائی نوشاد اور دیگر دو گواہوں سے پوچھ تاچھ کی گئی ہے۔