منگلورو: ایم آئی ٹی ایس ادارے کے نام پر جعلی مارکس کارڈ اور سرٹیفکٹ مہیاکرنے والے جال کا پردہ فاش :ملزم گرفتار

Source: S.O. News Service | By Abu Aisha | Published on 14th March 2018, 9:42 PM | ساحلی خبریں |

منگلورو:14/ مارچ (ایس اؤنیوز)شہر کے توکوٹو ،ٹی سی روڈ پر منگلورو انسٹی ٹیوٹ آف ٹکنالوجیکل سائنس (ایم آئی ٹی ایس ) نامی ادارے کے جعلی مارکس تیار کرکے فروخت کرنےو الوں کا پتہ لگانے میں کامیاب ہوئی منگلورو سی سی بی پولس نے ملزموں کو گرفتاکرنے کے بعد جعلی مارکس کارڈ کو ضبط کرنے کئے جانے کی جانکاری پولس پریس ریلیز کے ذریعے دی گئی ہے۔

موصولہ اطلاعات کے مطابق ایم آئی ٹی ایس ادارے کے نام پر جعلی مارکس کار ڈ اور سرٹیفکٹ تیار کرکے 10ہزار سے 45ہزار روپیوں کے عوض بیچ کر عوام کو دھوکہ دےرہے تھے۔ معاملے کو لےکر سی سی بی پولس نے اُلال کے گوڈوین ڈیسوزا(33)کو گرفتارکیا ہے۔ بتایا گیا ہے کہ گوڈوین متعلقہ ادارے کا ملازم اور اسکان شیخ ادارے کا ڈائرکٹر ہے۔ 2016سے ادارے کے نام پر ایس ایس ایل سی ، پی یو سی ، ڈگری اور ڈپلوما سمیت مختلف ڈگریوں کی جعلی مارکس کارڈ اور سرٹیفکٹ تیار کی جارہی تھیں اور ان مارکس کارڈ اور اسناد کو 10ہزار روپیوں سے لے کر 45ہزارروپیوں میں فروخت کیا جاتاتھا۔ پولس ذرائع نے بتایا ہے کہ ادارے کے پرنسپال اسکار شیخ ، ڈائرکٹر اسکان شیخ اور گوڈوین ڈیسوزا جعلی مارکس اور سرٹیفکٹ کے لئے آنے والے امیدواروں اور بے روزگاروں کی مکمل تفصیلات لےکر ایک ہفتہ کے اندر انہیں ضروری ڈگری اور سند مہیا کرتے تھے۔ ایس ایس ایل سی اور پی یو سی مارکس اور سرٹیفکٹ کے لئے 10ہزارروپئے اور ڈگری ، ڈپلوما کے لئے 45ہزارروپئے وصول کئے جاتے تھے۔ ملزمان منگلورو پبلک اسکول نامی تعلیمی ادارے کے نام پر ایس ایس ایل سی مارکس کارڈ اورسرٹیفکٹ تیار کرنے کا پتہ چلا ہے۔ ادارے کی طرف سے ابھی تک 150سے زائد افراد کو جعلی مارکس کارڈ اور سرٹیفکٹ مہیا کئے جانے کی جانکاری ملی ہے۔جون 2016میں شروع کئے گئے ایم آئی ٹی ایس نامی ادارہ کی طر ف سے 2013میں بھی تعلیم حاصل کئے جانے کی سند فراہم کئے جانےکی طلبا نے جانکاری دی ہے۔ ملزم گوڈوین ڈیسوزا سے ایم آئی ٹی ایس کی طرف سے دئیے گئے جعلی سرٹیفکٹ ، لیاپ ٹیاب، 3جعلی سکے ،جعلی مارکس کارڈ تیار کرنے والا پرنٹر، پیپر، آئی فون وغیرہ پولس نے ضبط کیا ہے۔سی سی بی پولس نے کیس درج کرلینے کے بعد چھان بین میں جٹی ہے۔ جعلی اسناد کا پتہ لگانے میں انسپکٹر شانتا رام ، پی ایس آئی شیام سندر ، کبال راج اور اُلال کے پی ایس آئی گرپا کانتی سمیت عملے شریک تھا۔

ایک نظر اس پر بھی

شرڈی گھاٹ کی سڑک 5 جولائی تک ٹریفک کیلئے کھول دی جائے گی: مینگلور میں ایچ ڈی ریونا کا تیقن

ریاستی وزیر برائے محکمہ تعمیرات عامہ ایچ ڈی ریونا نے بتایاکہ شراڈی گھاٹ پرسڑک پرجاری دوسرے مرحلہ کے تعمیری کام اگلے تین تا چاردنوں میں مکمل ہوں گے جس کے بعد 10دن واٹر کیوزنگ ہوگی اور 5جولائی کے اندر شراڈی گھاٹ ٹرافک کے لئے کھول دیاجائے گا۔

بھٹکل انجمن کالج فور ویمن کی طالبات کا شاندار پرفارمینس پیش کرنے کا سلسلہ جاری؛ بی اے میں سو فیصد نتائج؛ سائنس اور کامرس کی طالبات کا بھی شاندار مظاہرہ

انجمن کالج فور ویمن کی طالبات نے گذشتہ سالوں کی طرح امسال بھی تعلیم کے میدان میں زبردست پرفارمینس پیش  کرتے ہوئے  پوری ریاست میں بھٹکل کا نام روشن کردیا ہے۔

کل جمعرات کو مرڈیشور میں منایا جائے گا عالمی یوم یوگا

کل جمعرات 21 جون کو  تعلقہ کے مرڈیشور آر این شٹی  ریسڈینٹیل  میں عالمی یوم یوگا منایا جائے گا اس بات کی اطلاع مرڈیشور یوگا سمیتی کے صدر  منجپا نائک نے دی ہے۔ اخبار نویسوں سے گفتگو کرتے ہوئے انہوں نے بتایا کہ  پروگرام صبح چھ بجے شروع ہوکر 7:30 تک جاری رہے گا۔

کمٹہ میں بس نے دی راہ گیر کو ٹکر؛ شدید طور پر زخمی راہ گیر منی پال لے جانے کے دوران ہلاک

سرکاری کے ایس آر ٹی سی بس نے ایک راہ گیر کو ٹکر ماردی جس کے نتیجے میں راہ گیر شدید زخمی ہوگیا، جسے مقامی اسپتال میں ابتدائی طبی امداد کے بعد منی پال روانہ کیا گیا ہے۔ حادثہ  تعلقہ کے بیٹکولی دیہات میں  بدھ کی صبح پیش آیا۔

کاروار چیک پوسٹ پر محکمہ محصول نے مارا ایک لاری پر چھاپہ؛ 1.19 لاکھ مالیت کی گوا کی شراب برآمد

یہاں جوئیڈا کے قریب  گوا۔ انموڈ  سرحد پر واقع پولس چیک پوسٹ پر آج بدھ صبح محکمہ  محصولات (ایکسائز)  کے آفسران نے ایک لاری پر چھاپہ مارا اور اُس میں سے ایک لاکھ سے زائد مالیت کی گوا کی شراب برآمد کی جسے دوسرے سامانوں کےدرمیان چھپا کر  غیرقانونی طور پر  حیدرآباد لے جانے کی ...